Streepshow ასე ჰქვია წარმოდგენას, რომელსაც ნიუ-იორკში, კონილის თეატრის სცენაზე სცენარისტი ჯეი სტული და რეჟისორი ენდრიუ ნისლერი დადგამენ და რომელშიც მერილ სტრიპის თოთხმეტ პერსონაჟს სხვადასხვა მსახიობები გააცოცხლებენ.

"ეს არის ის შემთხვევა, როდესაც პერსონაჟები თავადვე დაწერენ საკუთარ ისტორიებს. აქ შეხვდებით სტრიპის თითქმის ყველა ლეგენდარულ პერსონაჟს, ნახავთ მათ ურთიერთობებს, ისტორიებს, ყველაფერ იმას, რაც, შესაძლოა, კინო ეკრანზე ვერ დაეტია და მის მიღმა გადაინაცვლა", ამბობს რეჟისორი ენდრიუ ნისლერი.

აღსანიშნავია, რომ თეატრის სცენაზე სტრიპის პერსონაჟებს ქალების გარდა კაცი მსახიობებიც ითამაშებენ და მაყურებლის წინაშე არაერთ მუსიკალურ ნომერს შეასრულებენ.