10 ფოტოგრაფის ობიექტივით დანახული თვალწარმტაცი საქართველო

თუ ერთხელ მაინც გიმოგზაურია საქართველოს სხვადასხვა კუთხეში, აუცილებლად შეამჩნევდი, რომ ჩვენი ქვეყანა იტევს ყველაფერს, რასაც დედამიწის სხვადასხვა კუნჭულში შეხვდები — აქ, ერთ პატარა ტერიტორიაზეა მოქცეული ზღვა, მთები, უდაბნო, ტბები, მდინარეები, მიწისქვეშა თუ მიწისზედა კანიონები.

აქ ბუნების საოცრებებს ჰარმონიულად ერწყმის ისტორიული ძეგლები და ღირსშესანიშნაობები, ძველი თუ ახალი სტილის ნაგებობები, ფლორა და ფაუნა, რომელსაც სხვაგან ვერსად შეხვდები.

ამ ყველაფრის სამუდამოდ შემოსანახად კი ერთი "ჯადოსნური" მოწყობილობა არსებობს — ფოტოაპარატი, რომლით დაფიქსირებულ კადრებს უდიდესი ისტორიული ღირებულება აქვს. სწორედ ფოტოსურათები გვიჩვენებენ ამბებს ჩვენს ყოფაზე, გარემოზე, ისტორიაზე — ამბებს, რომლებიც მხოლოდ ავტორისთვის კი არაა მნიშვნელოვანი, არამედ, ზოგჯერ კაცობრიობისთვისაც.

საქართველოს უნიკალური ლანდშაფტები და ისტორიული ძეგლები უკვე გადაიღო არაერთმა ცნობილმა ფოტოგრაფმა. მათ შორის არიან თანამედროვე ხელოვანებიც, რომლებიც ბევრს მოგზაურობენ და უნიკალურ სანახაობებს ფირზე აღბეჭდავენ. ჩვენ გადავწყვიტეთ, სწორედ ასეთი ათი ფოტოგრაფის შემოქმედება გაგაცნოთ და თბილისში ვირტუალური მოგზაურობის შემდეგ, მათი თვალით დანახული საქართველოს კუთხეები დაგათვალიერებინოთ — გაჩვენოთ ადგილები, ბუნება თუ ისტორიული ძეგლები, რომლებიც დაგარწმუნებენ, რომ საქართველოში აღმოსაჩენი ძალიან ბევრი რამაა.