შვილი ამბობს, რომ ტურაშვილი სტაბილურადაა და ექიმები აკვირდებიან
![](http://phoebe.on.ge/2023/03/19/1679247104_6417475837f62.jpg)
ფოტო: დათო ტურაშვილი / FB
ანაკო ტურაშვილის თქმით, მწერალი ცუდად ბოლოდროინდელი მოვლენების გამო გახდა და ამ დრომდე კლინიკაში მკურნალობს.
დეტალები: ის ამბობს, რომ არც მას და არც მის ოჯახს მათ წინააღმდეგ აგორებული დეზინფორმაციული კამპანიის არ ეშინია.
- "ტროლები რასაც წერენ და მწერენ, არაფერია იმასთან შედარებით, რასაც კარგი ადამიანები მწერენ და გვამხნევებენ და ეს ყველაზე მნიშვნელოვანია. დიდი მადლობა ყველას".
დათო ტურაშვილმა დღეს, ფორმულას ეთერში, გადაცემა მე-17 სართულში მის წინააღმდეგ მიზანმიმართულ კამპანიაზე ისაუბრა, ემოციური მიმართვა ჰქონდა და ჩანდა, რომ შეუძლოდ იყო.
- ამის შემდეგ გადაცემის ერთ-ერთმა წამყვანმა, სოფო ხუნწარიამ გაავრცელა ინფორმაცია, რომ ტურაშვილი კლინიკაში გადაიყვანეს.
- "დღეს მე რასაც ვუყურე, ეს იყო ჯოჯოხეთი. კინაღამ ხელში ჩაგვაკვდა კაცი. არ გაპატიებთ. ბუნებრივია, ვეცადეთ ეთერში არ შეგვემჩნია. ნახევარი საათით ადრე გამოვედით ეთერიდან, რომ ტურიკა გადაგვეყვანა საავადმყოფოში. ახლა ყველაფერი კარგადაა და ასეც იქნება", — დაწერა მან.
კონტექსტი: მწერალი, დათო ტურაშვილი აქტიურად აპროტესტებდა რუსულ კანონს, რომლითაც ხელისუფლებას სურდა, შეეზღუდა დამოუკიდებელი მედია, არასამთავრობო სექტორი და სამოქალაქო საზოგადოება.
- მას შემდეგ, რაც ქართულ ოცნებას მზარდი საზოგადოებრივი პროტესტის გამო კანონის ჩაგდება მოუწია, ტურაშვილის წინააღმდეგ სოციალურ ქსელში მიზანმიმართული კამპანია დაიწყო.
- "ზიხარ ისეთ ტელევიზიაში, რომელიც ანწუხელიძის სისხლს ამოფარებული ნაძირლების მიერ ნაშოვნი ფულით არის შექმნილი. აი, ეგ შენი პატრონი კეზერაშვილი, რომელმაც გაძარცვა საკუთარი ქვეყნის ჯარი, იმ ტელევიზიაში ზიხარ, მე რომ მომიწოდებ, შენ რუსული ხარ და აღიარე... ან დამიმტკიცებ, ან ბოდიშს მოიხდი", — მიმართა ტურაშვილს რუსული კანონის ინიციატორმა, მიხეილ ყაველაშვილმა, სამთავრობო პროპაგანდისტული მედიიდან, POSTV-დან, რომლის საკონტროლო პაკეტსაც ანტიდასავლური მოძრაობის, ხალხის ძალის წევრი, ვიქტორ ჯაფარიძე ფლობს.
- "ეს არის წარმოუდგენელი, დაუჯერებელი რამეა, რაც ჩემ წინააღმდეგ იკადრეს. მე შეიძლება, მართლა შევეწირო ამას. მე ვიცი ჩემი თავის ამბავი. ხალხს ფულს უხდიან, რომ ვისაც განსხვავებული აზრი აქვს, დაესიონ, ლანძღონ და მოკლან. ესენი მკვლელები არიან. მომიქსიეს ეს ნაძირლები იმიტომ, რომ მოვკვდე. სხვა რა მიზანი უნდა ჰქონდეთ", — საუბრობდა დღეს ტურაშვილი ფორმულაზე.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები