•აიისა• პრეზერვატივის ქართული ბრენდია. სტარტაპის იდეის ავტორი ანანია გაჩეჩილაძე Marketer.ge-სთან ინტერვიუში ამბობს, რომ, იდეა ბაზარზე არსებული ერთფეროვნებისა და მოთხოვნა­-მიწოდებას შორის არსებული ხარვეზის გამო გაუჩნდა.

იდეის ავტორი ჰყვება, რომ •აიისა• სპეციალურად ქართულ ბაზარზე მორგებული ბრენდია, კოლექციები კი მუდმივად განსხვავებული და თემატურია (3 ერთეული ცალი თითოეულში).

სტარტაპის სლოგანია "ყველგან, სადაც შედიხარ" და პროდუქციის შეძენა ზაფხულის განმავლობაში დაგეგმილ ფესტივალებზეა შესაძლებელი.

კერძოდ, ბრენდი Tbilisi Open Air-ზე იქნება წარმოდგენილი, კომერციული სტენდით და სპეციალურად ფესტივალისათვის შექმნილი თემატური კოლექციებით.