ინვესტორები, საბანკო სექტორის წარმომადგენლები და პოლიტიკოსები, ინფლაციას მუდმივად აკვირდებიან. ზოგადად, ინფლაციას ცუდი გავლენა აქვს საფონდო ბირჟებზე და აქციების ფასებზე, ვინაიდან კომპანიების ხარჯები იზრდება და შესაძლოა შემოსავლები შემცირდეს. თუმცა, შესაძლოა პირიქითაც მოხდეს, კომპანიის შემოსავლები გაიზარდოს.

ამ შემთხვევაში, უნდა დავაკვირდეთ კომპანიის აქციები ღირებულებაზე დაფუძნებულია, თუ ზრდაზე. რას ნიშნავს ეს? ღირებულებაზე დაფუძნებული აქციები ისინია, რომელთა ფასი ნაკლებია, თუმცა სტაბილური და სანდოა, ხოლო "ზრდის" აქციები — ბოლო წლების განმავლობაში საშუალოდ 15%-იანი ზრდის მქონე აქციებია.

როგორც წესი, ღირებულებაზე დაფუძნებული აქციები მაღალი ინფლაციის დროს უფრო კარგია, ინვესტორებისთვის მეტი მოგება მოაქვს და უფრო სტაბილურია, ხოლო "ზრდის" აქციები — დაბალი ინფლაციის დროს. პირველ შემთხვევაში, ეს აქციები უფრო მეტად იმ კომპანიებს ეკუთვნით, რომლებიც მაღალ დივიდენდებს იხდიან და სტაბილური შემოსავლები აქვთ. სწორედ ამიტომ, მაღალი ინფლაციის დროს ამ კომპანიების მომსახურება ან საქონელი ძვირდება და მათ აქციებში ინვესტირება მომგებიანია. მეორე მხრივ, ზრდაზე ორიენტირებული კომპანიები დაბალი ინფლაციის დროს უფრო კარგად მუშაობენ. მიზეზი მარტივია, მათი ხარჯები მცირეა და შესაბამისად, მომხმარებლები უფრო მეტად ყიდულობენ მათ პროდუქციას.

ღირებულებაზე დაფუძნებული აქციების კარგი მაგალითია საბანკო სექტორის კომპანიები — JPMorgan Chase (JPM), ხოლო "ზრდის" კომპანიები უფრო მეტად ტექნოლოგიების სექტორშია, მაგალითად, Alphabet Inc. (GOOGL). თუ ამ ორი სექტორის ინფლაციის დონეს შევადარებთ, ვნახავთ, რომ დაბალი ინფლაციის დროს სწორედ ტექ კომპანიები მუშაობენ უკეთესად.

მთავარ კითხვაზე პასუხი კი ასეთია — გააჩნია სექტორს, სადაც გვინდა ინვესტირება. როგორ მოიქცნენ ინვესტორები ინფლაციის დროს? ანალიტიკოსები სწორედ ამ ინფორმაციის საშუალებით ამტკიცებენ, რომ მაღალი ინფლაციის დროს უფრო ლოგიკურია იმ აქციების ყიდვა, რომლებიც ღირებულებაზეა დაფუძნებული. საპირისპიროდ, თუ ინფლაცია დაბალია, აჯობებს, ინვესტორებმა ზრდაზე ორიენტირებული კომპანიების აქციებში დააბანდონ ფული.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.