ინფორმაციას სამართალდამცავი უწყება ავრცელებს.

რატომ არის მნიშვნელოვანი: პროკურატურის ცნობით, ბრალდებულმა დაარწმუნა დაზარალებული, თითქოსდა, პროკურატურის თანამშრომელი იყო და ოჯახის წევრების აშშ-ში გასამგზავრებელი ვიზებს დაჰპირდა.

  • კერძოდ, დაზარალებულს დააჯერა, რომ გენერალურ პროკურატურასა და აშშ-ს შორის არსებობდა გაცვლითი პროგრამა, რომლითაც 5-6 ოჯახს ამერიკაში საცხოვრებლად და სამუშაოდ გზავნიდნენ.
  • სანაცვლოდ, 10 450 აშშ დოლარს უკანონოდ დაეუფლა.

დეტალები: დაკავებულს ბრალდება სსკ-ის 180-ე მუხლის მე-3 ნაწილის ბ ქვეპუნქტით (მართლსაწინააღმდეგო მისაკუთრების მიზნით დიდი ოდენობით თანხის თაღლითურად დაუფლება) წარედგინა.

  • დანაშაული ექვსიდან ცხრა წლამდე პატიმრობას ითვალისწინებს.
  • "იმ შემთხვევაში, თუ პროკურატურის სახელით მსგავსი ან სხვა სახის უკანონო შეთავაზებას თქვენს მიმართაც ჰქონდა ადგილი, მიმართეთ საქართველოს გენერალური პროკურატურის გენერალურ ინსპექციას, რაზეც მოხდება მყისიერი სამართლებრივი რეაგირება", — აცხადებს სამართალდამცავი უწყება.