ინფორმაციას უკრაინის გენერალური პროკურატურა ავრცელებს.

რატომ არის მნიშვნელოვანი: რუს პილოტს, რომელიც ხარკოვს ბომბავდა, 12 წლიანი პატიმრობა მიესაჯა.

  • მას ბრალი წარედგინა ომის კანონებისა და წეს-ჩვეულებების დარღვევისთვის.

დეტალები: პროკურატურის ცნობით, 2022 წლის 6 მარტს პილოტმა მონაწილეობა მიიღო ხარკოვზე თავდასხმაში და რადიო-სატელევიზიო სადგურზე ჩამოაგდო რვა FAB-500 საჰაერო ბომბი.

  • დაბომბვის შედეგად დაზიანდა ანძა და სადგურის ადმინისტრაციული შენობა.
  • უკრაინულმა ძალებმა ჩამოაგდეს თვითმფრინავი და დააკავეს პილოტი.
  • პროკურატურის განცხადებით, რადიო და ტელევიზია არის სამოქალაქო დაწესებულება, რომელიც არ გამოიყენება სამხედრო მიზნებისთვის, ხოლო მის ირგვლივ არ ყოფილა განლაგებული იარაღი და სამხედრო ტექნიკა, ან უკრაინის შეიარაღებული ძალების ქვედანაყოფები.