Kavkaz Jazz Festival 2016 8 ივნისს კონსერვატორიის დიდ დარბაზში გაიხსნება და მასში მონაწილეობას თულუღ თირფანის კვარტეტი და რეზო კიკნაძე სპეციალურ სტუმრებთან ერთად - მაიკლს ტრეისისთან და კრეიგ ვაგნერთან ერთად მიიღებენ.

ფესტივალ 9 ივნისს ფესტივალი მოძრაობის თეატრში გაგრძელდება. კონცერტში მონაწილეობას მიიღებენ ქართველი, სომეხი და აზერბაიჯანელი შემსრულებლები - კანუდოსი გიროდან, THE Birds ერევნიდან და J.E.F. Experiment ბაქოდან.

ასევე, 9 ივნისს თბილისის სახელმწიფო კონსერვატორიაში გაიმართება მრგვალი მაგიდა, რომელსაც გაუძღვება ზურაბ ქარუმიძე. მუსიკალური ექსპერტები, ჟურნალისტები და კრიტიკოსები საქართველოდან, სომხეთიდან, აზერბაიჯანიდან და აშშ-დან განიხილავენ რეგიონში მუსიკალურ ბაზარზე არსებულ ვითარებას.

11 ივნისს კი ფესტივალი ახალციხეში გადაინაცვლეს. რაბათის ციხეში გამართულ გალა კონცერტში მონაწილეობას მიიღებენ ჯგუფი ARTE (ირანი), მიქაელ ვოსქანიანი & მეგობრები (სომხეთი) და ჯგუფი სტუმრები (საქართველო). კონცერტთან ერთად დაგეგმილია ხალიჩების ფესტივალი - რაბათის საზეიმო გახსნა.

პროექტის ორგანიზატორია არასამთავრობო ორგანიზაცია Art Bridge, მისი წარმდგენი კი საქართველოს კულტურის სამინისტროა. პროექტის მხარდამჭერია თბილისის მერიის კულტურული ღონისძიებების ცენტრი.

ფესტივალის პარტნიორები არიან თურქული კულტურის ცენტრი Yunus Emre, თბილისის სახელმწიფო კონსერვატორია, გოეთეს ინსტიტუტი, ირანის ისლამური რესპუბლიკის საელჩო საქართველოში.