ინფორმაციას გამოცემა Politico ავრცელებს.

რატომ არის მნიშვნელოვანი: ევროპარლამენტარების ნაწილი ვარჰეის რეპლიკას უპრეცედენტო შეურაცხყოფად აფასებს და მის გადადგომას მოითხოვს.

  • დაძაბულობა მისი ფიგურის მიმართ აქამდეც არსებობდა. გასულ თვეში ევროპარლამენტარებმა კომისიას მოუწოდეს გამოიძიონ ვარჰეის პოზიცია სერბ ნაციონალისტებთან დაკავშირებით.

დეტალები: სამშაბათს, დასავლეთ ბალკანეთის დეპუტატებთან კითხვა-პასუხის სესიაზე, ვარჰეიმ ევროპარლამენტარებს იდიოტები უწოდა. რეპლიკა მიკროფონმა დააფიქსირა.

  • "კიდევ რამდენი იდიოტია იქ?" — იკითხა ვარჰეიმ, რომელიც პასუხისმგებელია ქვეყნების ევროკავშირში გაწევრიანების მცდელობებზე.
  • მოგვიანებით მან გამოაქვეყნა განცხადება, სადაც პირდაპირ ბოდიში არ მოუხდია, თუმცა აღნიშნა, რომ წუხს საკითხის ირგვლივ არსებული გაუგებრობის გამო.
  • კომისრის განმარტებით, რეპლიკა კონტექსტიდან ამოღებული და კერძო საუბრის ნაწილი იყო.
  • "ეს უკავშირდებოდა უნგრულ პირად საუბარს ჩემი კაბინეტის ხელმძღვანელთან სრულიად განსხვავებულ საკითხზე, პატივს ვცემ ევროკავშირის ყველა ინსტიტუტს, მათ შორის ევროპარლამენტს და მის საპატიო წევრებს", — განაცხადა მან.

ვარჰელი თანამდებობაზე 2019 წლის ოქტომბერში დაინიშნა უნგრეთის პრემიერმინისტრის წარდგენით.

  • სანამ ევროკომისარი გახდებოდა, იგი ევროკავშირში უნგრეთის ელჩად მუშაობდა.