ამის შესახებ განცხადება რუსთავის ციხესთან გააკეთეს.

რატომ არის მნიშვნელოვანი: ბაჩანა შენგელიას განცხადებით, კრიტიკული მედიასაშუალების დამფუძნებლის და გენერალური დირექტორის აბსურდული ბრალდებით დაკავებით, ხელისუფლებამ ევროპული მომავალი და კანდიდატის სტატუსი ეჭვქვეშ დააყენა.

  • მისი თქმით, ნათელია, რომ გვარამიას პატიმრობა სახელმწიფო ინტერესებს აზიანებს, ვნებს ევროინტეგრაციის პროცესს და ეს ნებისმიერი პოლიტიკური პარტიის დღის წესრიგს ცდება.

დეტალები: მოძრაობის დამფუძნებელთა თქმით, ევროპული მომავლის ბედი გვარამიას გათავისუფლებაზე გადის, მისმა მეგობრებმა და მედიასაშუალებების წარმომადგენლებმა კი მოძრაობის დაფუძნება ამიტომ გადაწყვიტეს.

  • აცხადებენ, რომ გვარამიას გათავისუფლება ხელისუფლების ყველა შტოზე წნეხის გაზრდითა და ქვეყნის გარეთ სტრატეგიულ პარტნიორებთან მჭიდრო კოორდინაციით იქნება შესაძლებელი.
  • "ძალიან მნიშვნელოვანია, რომ ეს საკითხი მუდმივად იყოს დღის წესრიგში და ჩვენი პარტნიორები მუდმივად მოუწოდებდნენ ხელისუფლებას მაღალი ტრიბუნებიდან, რომ თავი შეიკავოს თავისუფალი მედიის დამფუძნებლების, მედიამენეჯერების წინააღმდეგ პოლიტიკურად მოტივირებული საქმეების წარმოებისგან".

გარდა ამისა, ამბობენ, რომ მოუწოდებენ სხვებსაც, ვისაც მიაჩნიათ, რომ ადამიანი კრიტიკული აზრის გამოთქმის გამო, აბსურდული ბრალდებით არ უნდა იყოს დაკავებული, შეუერთდნენ მოძრაობას.

  • "გვჯერა, რომ სწორედ ასეთი ინტენსიური ორმხრივი ზეწოლა აიძულებს ხელისუფლებას, შეასრულოს EU-ის 12 რეკომენდაცია, გაათავისუფლოს მთავარი არხის დამფუძნებელი და შეუნარჩუნოს ქვეყანას შანსი, გახდეს დემოკრატიული, განვითარებული, პროგრესული და რაც მთავარია, ევროკავშირის წევრი ქვეყანა".