ღარიბაშვილი: მაღალი მოგებით მუშაობენ ჯერ კიდევ ნავთობის იმპორტიორები, რაც მიუღებელია

6 Feb. 2023, 15:14

ასევე ჩემი დავალებით კონკურენციის სააგენტომ დაიწყო ნავთობის ბაზრის შესწავლა. თებერვლის ბოლოს წარმოადგენენ უკვე ოფიციალურ, დადასტურებულ საბოლოო სურათს. აქაც, მოგეხსენებათ, ჩვენი ჩარევის შედეგად, გარკვეულწილად, დარეგულირდა ფასები, შემცირდა ფასები, მაგრამ დეკემბრის მონაცემები მიდევს ახლა წინ, აქაც ვხედავ, რომ არსებობს მაღალი მარჟები და მაღალი მოგებით მუშაობენ ჯერ კიდევ ნავთობის იმპორტიორები, რაც ასევე მიუღებელია. ასე რომ, მე მინდა, მოგმართოთ თქვენ ისევ, ბატონო მინისტრებო, უნდა დაიბაროთ თქვენ ნავთობის იმპორტიორები და აქაც მოვახდინოთ რაღაც გონივრულ ზღვარზე ჩამოწევას ფასების. არ შეიძლება, რომ ერთ ლიტრ ბენზინზე, მაგალითად, იყოს 80-თეთრიანი ფასნამატი, 90-თეთრიანი, თითქმის ლარამდე ფასნამატი. ამიტომ ამას სჭირდება ძალიან კარგი შესწავლა.

ბოლო ამბები: