ამის შესახებ თანამშრომელი ზაზა მელაძე TV პირველთან სატელეფონო ინტერვიუსას საუბრობს.

რატომ არის მნიშვნელოვანი: სიუჟეტი, სახელწოდებით "ბიძინას ჟირაფები გმირთა მოედანზე", ეთერში შაბათს, 21 იანვარს გავიდა, რომელიც ლაგუნა ვერესა და გმირთა მოედანს შორის, აბრეშუმის ყოფილი ფაბრიკის ადგილას დაგეგმილ მშენებლობას ეხება.

  • გარდა მშენებლობის გეგმისა, ჟურნალისტი ყოფილი სპორტული კომპლექსის ტერიტორიაზეც შედის — სწორედ იქაა ჩაწერილი ლაგუნა ვერეს თანამშრომელთან ინტერვიუ.
  • სიუჟეტში თანამშრომელი ჟურნალისტს ლაგუნა ვერეს შიდა ტერიტორიას უჩვენებს და იქ არსებულ მძიმე მდგომარეობაზე საუბრობს.
  • ჟურნალისტ მაკა ჩიხლაძესთან საუბარში ზაზა მელაძე ჰყვება, რა მდგომარეობაშია ახლა ტერიტორია.

დეტალები: სატელეფონო ინტერვიუში ზაზა მელაძე ამბობს, რომ 40-წლიანი მუშაობის შემდეგ დაურეკეს და უთხრეს, რომ სამსახურში ხვალიდან აღარ მივიდეს.

  • "სიუჟეტის გამო გამათავისუფლეს სამსახურიდან. თანამშრომელმა მითხრა, თავისუფალი ხარო. ხვალ მიწევს მორიგეობა და ვერ გავდივარ. ძლივს გავათენე წუხელ ღამე, ისე გულის შეტევა მაქვს, ახლაც, თქვენ რომ დარეკეთ, წნევას ვიზომავ და 200-ზე მაქვს. წუხელ 220 მქონდა. ძალიან ცუდად ვარ";
  • ამბობს იმასაც, რომ შემოსავალი პენსიიდან და მხოლოდ ამ სამსახურიდან ჰქონდა, 300 ლარი.
  • "ახლა უარესს მიზამენ კიდევ ალბათ. ბავშვებს არ დაერიონ, თორემ სხვას არ ვჩივი… თუ არ გავჩერდები, ალბათ უარესს მიზამენ კიდევ”, — აღნიშნავს ის.

ლაგუნა ვერეს ტერიტორიის მფლობელი შპს ლაგუნა ვერეა. 100%-იანი წილის მფლობელი ბიძინა ივანიშვილის ფონდი ქართუ

  • კახა კალაძის განცხადებით, ლაგუნა ვერეს ქართუ მუნიციპალიტეტს გადასცემს.