როგორც აშშ-ის საელჩო საქართველოში წერს, შეერთებული შტატების ჯორჯიის შტატის გუნდი 2023 წლის რაგბის ჩემპიონატს გამოეთიშა და მიიღო გადაწყვეტილება ოფიციალურად უგულშემატკივროს საქართველოს ნაკრებს.

რატომ არის მნიშვნელოვანი: აშშ-ის შტატი Georgia (ჯორჯია) ხშირად ერევათ საქართველოში (Georgia).

  • როცა საქართველომ უელსის ნაკრები დაამარცხა, სხვადასხვა ქვეყნის მოქალაქეები შეცდომით ამერიკის ჯორჯიის რაგბის ფედერაციას ულოცავდნენ.
  • ჯორჯიის რაგბის კავშირის განცხადებით, იმედი აქვთ, რომ ბორჯღალოსნებსა და მათ მეგობრებს საქართველოს რაგბის კავშირში, ოკეანის გაღმა მისწვდებათ გულშემატკივრობის ხმა მსოფლიო ჩემპიონატის თამაშებისას.
  • "სტადიონსა და სახლებში. ჯორჯიიდან საქართველოში. წინ ბორჯღალოსნებო!", — წერენ ისინი.

დეტალები: რაგბის მეათე მსოფლიო ჩემპიონატი საფრანგეთში 8 სექტემბერს გაიხსნება. საქართველოს ნაკრები პირველ შეხვედრას ავსტრალიასთან 9 სექტემბერს გამართავს.

  • "ყველაზე ახალგაზრდა მოთამაშეებიდან დაწყებული, მათი ჩათვლით, ვისაც აქვს პატივი, წარმოადგენდეს თქვენს ქვეყანას. თქვენი დამოკიდებულება და თავდადება ჩვენი საყვარელი სპორტისადმი გასაოცარია და პატივისცემას იმსახურებს. ამ თავდადებას, გაზარდოთ თამაში ფესვიდან ხის კენწერომდე, რაგბის ყველა ერი უნდა სწავლობდეს", — წერს ჯორჯიის რაგბის კავშირი.