პარტია ევროპული საქართველოს წევრი, გიორგი ტუღუში მიიჩნევს, რომ მიწის უცხო ქვეყნის მოქალაქეებზე გაყიდვის შეზღუდვა პოპულისტური ნაბიჯია ხელისუფლების მხრიდან. მისი თქმით, ქართულ მიწას, რეალურად, ზურგზე ვერავინ მოიკიდებს და წაიღებს.

"რატომ არ აძლევენ საპარლამენტო უმცირესობას ვენეციის კომისიის დასკვნას, რომელიც მიღებული აქვთ? და მე რამდენადაც ვიცი, თავად კომისია არ ეწინააღმდეგება ამას. პირიქით, რეკომენდაციაც იყო მათი მხრიდან, რომ მიიღონ ნებართვა ხელისუფლების მხრიდან, რომ ჩვენც ვნახოთ რა ჩაწერეს. იქნებ და მოსწონთ იქ ყველაფერი, მაგრამ მე რამდენადაც ვიცი, იქ ესე არ არის. განსაკუთრებით საკითხი ეხება საპარლამენტო არჩევნების სისტემას, რომელიც როგორც მე ვიცი, გატარებულია ძალიან მკაცრ კრიტიკაში," - განაცხადა გიორგი ტუღუშმა.

პარლამენტის თავმჯდომარის, ირაკლი კობახიძის განცხადებით, გაკეთდება მკაფიო და მკაცრი კონსტიტუციური ჩანაწერი, რომლის მიხედვით, ქართული მიწა დარჩება მხოლოდ საქართველოს სახელმწიფოს, საქართველოს მოქალაქეებისა და მათი გაერთიანებების საკუთრებაში.