გადაწყვეტილება თბილისის საქალაქო სასამართლომ მიიღო.

რატომ არის მნიშვნელოვანი: პროკურატურის ინფორმაციით, ბრალდებულმა გასული წლის აპრილში, პირადი კონფლიქტისა და უთანხმოების გამო მძინარე მშობლები დახოცა, შემდეგ კი კვალის დაფარვის მიზნით ყაჩაღობის ინსცენირება მოაწყო და საცხოვრებელ ბინაში ხანძარი გააჩინა.

• გამოძიება 11 პრიმა 109-ე მუხლის მე-2 ნაწილის ვ ქვეპუნქტით და 109-ე მუხლის მე-3 ნაწილის ა ქვეპუნქტით მიმდინარეობდა, რაც ოჯახის ორი ან მეტი წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს.

დეტალები: საქმეზე გადაწყვეტილება მოსამართლე ვალერიან ბუგიანიშვილმა მიიღო.

• სასამართლომ ყოფილი პოლიციელი ცეცხლსასროლი იარაღის უკანონოდ შეძენა-შენახვა-ტარებასა და უმწეო მდგომარეობაში მყოფი ოჯახის ორი წევრის განზრახ მკვლელობაში დამნაშავედ ცნო.