FBI-ის ყოფილმა დირექტორმა, ჯეიმს კომიმ, რომელიც ტრამპმა 9 მაისს თანამდებობიდან გაათავისუფლა, სენატში ტრამპის საარჩევნო შტაბსა რუსეთს შორის კავშირების საქმეზე მისცა ჩვენება. ინფორმაციას CNN ავრცელებს.

კომის ჩვენებაში ნათქვამია, რომ, 27 იანვარს მან პრეზიდენტთან, თეთრი სახლში, ისადილა.

კომის განცხადებით, ამ შეხვედრაზე ტრამპმა მოითხოვა, რომ იგი მის მიმართ ლოიალური ყოფილიყო.

"თქვენ ჩემგან ყოველთვის მიიღებთ პატიოსნებას" - ასე უპასუხა FBI-ის იმ დროინდელმა დირექტორმა ტრამპის მოთხოვნას, რომ მას სჭირდებოდა ლოიალობა და მისგან ლოიალობას ელოდა.

კომის ჩვენებაშია ასევე ნათქვამია, რომ ტრამპმა მას მოსთხოვა შეეწყვიტა გამოძიება მაიკ ფლინის საქმეზე, თუმცა მას გამოძიების შეწყვეტის პირობა პრეზიდენტისთვის არ მიუცია.

შეგახსენებთ რომ, მაიკლ ფლინი პრეზიდენტის მრჩეველი იყო ნაციონალური უსაფრთხოების სფეროში.

არჩევნებიდან ოთხი თვის განმავლობაში, ტრამპს 9-ჯერ ჰქონდა პირდაპირი კონტაქტი FBI-ის დირექტორთან, აქედან სამჯერ ისინი პირისპირ შეხვდნენ ერთმანეთს, ხოლო 6-ჯერ მათ შორის სატელეფონო საუბარი შედგა.

ასეთი ხშირი პირდაპირი კონტაქტი პრეზიდენტსა და გამოძიების ფედერალური ბიუროს დირექტორს შორის მეტად უჩვეულოა. კომის თქმით, პრეზიდენტ ობამასთან მას სულ ორჯერ ჰქონდა კონტაქტი ბოლო 4 წლის განმავლობაში.

კომიმ ჩვენება რუსეთისა და ტრამპის საარჩევნო შტაბის კავშირების საქმის ფარგლებში მისცა.