საქართველო ერთ-ერთი პირველი ქვეყანაა, რომელიც ბლოკჩეინის ტექნოლოგიურ მიღწევას უძრავი ქონების რეგისტრაციისას იყენებს.

ამ დროისთვის ბლოკჩეინში 200 000-ზე მეტი ამონაწერის შესახებ ინფორმაციაა განთავსებული. ბლოკჩეინში მოხვედრილი მონაცმების წაშლა, შეცვლა, გადაწერა თუ უკანონო მანიპულირება შეუძლებელია.

ბლოკჩეინის ინოვაციური ტექნოლოგია სარეგისტრაციო ტრანზაქციებს მსოფლიო მასშტაბით ხელმისაწვდომს, გამჭვირვალეს და კიდევ უფრო მეტად დაცულს ხდის.

2017 წლის 20 თებერვლიდან ნებისმიერ უძრავ ქონებაზე ამონაწერის შესახებ ინფორმაცია ბლოკჩეინის სისტემაში ავტომატურად იგზავნება.

საჯარო რეესტრში ბლოკჩეინ ტექნოლოგიის დანერგვის შესახებ ელექტრონული საინფორმაციო ჟურნალის ნახვა ონლაინ შეგიძლიათ.

რა არის ბლოკჩეინ ტექნოლოგია და რა შესაძლებლობებს სთავაზობს ის 21-ე საუკუნეს - ამ თემაზე შეგიძლიათ წაიკითხოთ თამარ მენთეშაშვილის ვრცელი და ამომწურავი ოპედი. ბიტკოინის ტექნოლოგია მსოფლიოს რევოლუციას ჰპირდება. მარტის დასაწყისში, პირველად ისტორიაში, კრიპტოვალუტა ბიტკოინმა ღირებულებით ოქროს აჯობა.