დღეს ფინანსურ ბაზარზე ერთ-ერთი ყველაზე მნიშვნელოვანი მომენტი დაფიქსირდა, როდესაც კრიპტოვალუტა ბიტკოინმა ღირებულებით ოქროს აჯობა.

ფასების დინამიკა, ცხადია, იმან გამოიწვია, რომ ბიტკოინზე მოთხოვნა ბევრად მაღალი იყო, ვიდრე ოქროზე და ეს მაჩვენებელი ყოველდღიურად ან წუთობრივად შეიძლება შეიცვალოს, მაგრამ ეს პრეცედენტი კარგად აჩვენებს თუ რამხელა პოტენციალი აქვს კრიპტოვალუტას.

ბიტკოინის ყველაზე დაბალი ფასი, $200, 2015 წელს დაფიქსირდა, ხოლო დღეის მონაცემებით ერთი ერთეულის შეძენა 1 237.73 დოლარადაა შესაძლებელი.

ოქრო სტაბილური ინვესტიციისთვის გამოიყენება და ბევრად უფრო უსაფრთხოდ ითვლება ვიდრე უძრავ ქონებაში დაბანდება. დღევანდელი მაჩვენებელი კი კრიპტოვალუტის აპოლოგეტებს საშუალებას მისცემს, ბიტკოინი ფულის დაბანდებისთვის უფრო მიმზიდველ პროდუქტად წარმოაჩინონ.