Reuters-ის ინფორმაციით, გერმანია გერმანული წარმოების ტანკებს უკრაინაში არ გაგზავნის მანამ, სანამ შეერთებული შტატები იმავეს არ გააკეთებს.

რატომ არის მნიშვნელოვანი: უკრაინა ითხოვს თანამედროვე დასავლურ იარაღს, განსაკუთრებით მძიმე საბრძოლო ტანკებს რუსეთთან წინააღმდეგ ომში.

  • ბერლინს აქვს ვეტოს უფლება მისი ლეოპარდის ტანკების ექსპორტის ნებისმიერ გადაწყვეტილებაზე.
  • თავდაცვის ექსპერტები მიიჩნევენ, რომ ლეოპარდის ტანკები ყველაზე შესაფერისია უკრაინისთვის, იგი ითვლება დასავლეთის ერთ-ერთ საუკეთესო ტანკად, იწონის 60 ტონაზე მეტს (60000 კილოგრამს), აქვს 120 მმ გლუვლულიანი იარაღი და შეუძლია სამიზნეების დარტყმა 5 კილომეტრამდე მანძილზე.
  • ნატოს მოკავშირეები ცდილობენ თავიდან აიცილონ რუსეთთან პირდაპირი დაპირისპირების რისკი და თავი შეიკავონ უკრაინაში ყველაზე ძლიერი იარაღის გაგზავნისგან.
  • დღეს, გერმანიაში რამშტეინის საჰაერო ბაზაზე ათობით ქვეყნის თავდაცვის მაღალჩინოსნის შეხვედრა ტარდება.

დეტალები: გერმანიის მთავრობის ანონიმური წყაროს ინფორმაციით, ბოლო კვირებში დახურულ კარს მიღმა შოლცმა ხაზი გაუსვა პირობას, რომ საჭიროა ამერიკული ტანკები ასევე გაიგზავნოს უკრაინაში.

  • აშშ-ის პრეზიდენტის, ჯო ბაიდენის სპიკერმა განაცხადა, რომ "თითოეულმა ქვეყანამ უნდა მიიღოს საკუთარი სუვერენული გადაწყვეტილებები უსაფრთხოების დახმარების რა ნაბიჯებს გადადგამს და რა სახის აღჭურვილობას მიაწოდებს უკრაინას".
  • ამერიკელი ჩინოვნიკის თქმით, ბაიდენის ადმინისტრაცია აპირებს დაამტკიცოს უკრაინის დახმარების ახალი პაკეტი, $2 მილიარდზე მეტი ღირებულების, რომელიც სავარაუდოდ მოიცავს Stryker-ის ჯავშანმანქანებს კიევისთვის, მაგრამ არა M1 Abram ტანკებს.
  • ბრიტანეთმა გააძლიერა ზეწოლა ბერლინზე ამ თვეში და გახდა პირველი დასავლური ქვეყანა, რომელმაც გაგზავნა ტანკები უკრაინაში.
  • პოლონეთმა და ფინეთმა დააფიქსირეს მზაობა უკრაინისთვის ტანკების მიწოდების.