ინფორმაცია On.ge-ს ევროკავშირის სადამკვირვებლო მისიის პრესსამსახურში დაუდასტურეს.

რატომ არის მნიშვნელოვანი: ანტისაოკუპაციო მოძრაობის ლიდერმა, დავით ქაცარავამ დაწერა, რომ 13 იანვარს სოფელ მეჯვრისხევში ევროკავშირის სადამკვირვებლო მისიის (EUMM) წარმომადგენლებს საოკუპაციო ძალებმა ცეცხლი გაუხსნეს.

  • როგორც სადამკვირვებლო მისიის პრესსამსახურში თქვეს, ფაქტი ისაა, რომ მისიის დამკვირვებლები იმყოფებოდნენ საოკუპაციო ხაზთან ახლოს, როდესაც ინციდენტი მოხდა.

დეტალები: ევროკავშირის სადამკვირვებლო მისიის განცხადებით, ინციდენტის შედეგად არავინ დაშავებულა და მათ საფრთხე არ შეჰქმნიათ.

  • გვითხრეს, რომ ეს ინციდენტი განიხილეს დღეს ერგნეთში, ინციდენტების პრევენციისა და მათზე რეაგირების მექანიზმზე მომუშავე მხარეების შეხვედრაზე.
  • EUMM-ის ცნობით, დამკვირვებლებმა იმოქმედეს უსაფრთხოების პროტოკოლით.