შემთხვევა გუშინ გვიან ღამით, საოკუპაციო გამყოფ ხაზთან, სოფელ ერგნეთში მოხდა.

რატომ არის მნიშვნელოვანი: ამჟამად, ცხინვალის ციხეში უკანონო პატიმრობაში საქართველოს 7 მოქალაქე იმყოფება.

  • დღეს სოფელ ერგნეთში ინციდენტების პრევენციისა და მათზე რეაგირების მექანიზმის ფარგლებში 110-ე შეხვედრა იმართება.
  • სახელმწიფო უსაფრთხოების სამსახურის ცნობით, დღევანდელ შეხვედრაზე უკანონო პატიმრობაში მყოფი პირის გათავისუფლების საკითხი განიხილება.

დეტალები: საქართველოს სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილის, ირაკლი ანთაძის განცხადებით, ღამით გააქტიურდა ცხელი ხაზი.

  • შედეგად, ცნობილი გახდა საოკუპაციო ძალების მიერ საქართველოს მოქალაქის დაკავების შესახებ.
  • ხელისუფლება დაკავებულის ვინაობას მოგვიანებით გაასაჯაროებს, მას შემდეგ, რაც დაადგენს მის ადგილსამყოფელს.