ამის შესახებ ლვოვში ვიზიტის დროს პოლონეთის პრეზიდენტმა ანდჟეი დუდამ გამოაცხადა.

რატომ არის მნიშვნელოვანი: Reuters აღნიშნავს, რომ კიევი ითხოვს მძიმე სამხედრო მანქანებს, როგორიცაა გერმანული წარმოების Leopard 2, რომელიც წარმოადგენს დასავლეთის მხარდაჭერის მნიშვნელოვან გაძლიერებას.

  • დუდას თქმით, პოლონეთი აწარმოებს "ძალიან კონკრეტულ" მოლაპარაკებებს კოალიციის შესაქმნელად, რომელიც უკრაინას მძიმე სამხედრო ტექნიკით დაუჭერს მხარს.
  • როგორც Bloomberg წერს, ეს ნაბიჯი ხაზს უსვამს ბერლინზე ზეწოლას, რადგან ვარშავის მმართველმა კოალიციამ არაერთხელ უსაყვედურა გერმანიას უკრაინისთვის არასაკმარისი სამხედრო დახმარების გაწევის გამო.

დეტალები: ვარშავა კიევს ამ დახმარებას "საერთაშორისო კოალიციის" ფარგლებში გაუწევს, თუმცა როგორც უკრაინსკა პრავდა წერს, ამჟამად უცნობია, რომელი საერთაშორისო კოალიცია ჰქონდა მხედველობაში პოლონეთის პრეზიდენტს.

  • დუდას განცხადებით, ომი არ დასრულებულა — "ყველაფერი იმაზე მეტყველებს, რომ რუსეთი გააგრძელებს უკრაინის წინააღმდეგ გამანადგურებელ ომს".

უკრაინის პრეზიდენტმა მადლობა გადაუხადა პოლონეთს ამ გადაწყვეტილების გამო.

  • "დღეს შემიძლია ვთქვა მნიშვნელოვანი სიტყვა ჩვენი თავდაცვისთვის, ჩვენი საერთო თავდაცვისთვის, როგორც უკრაინის, ისე მთელი ევროპისთვის — ეს სიტყვა არის ტანკები".