ამის შესახებ ექსპრეზიდენტის ფეისბუქგვერდზე გამოქვეყნებულ განცხადებაში ვკითხულობთ.

რატომ არის მნიშვნელოვანი: 5 იანვარს გავრცელდა ილია მეორის წერილი, რომელშიც მართლმადიდებელი ეკლესიის პატრიარქი მადლობას უხდიდა ექსპრეზიდენტს აღსაყდრების დღის მილოცვისთვის და საპასუხოდ დაბადების დღეს ულოცავდა.

  • წერილში საგულისხმო იყო ფრაზა, სადაც ილია მეორე მიხეილ სააკაშვილს უსურვებდა ჯანმრთელობას, მხნეობას და პირველ რიგში, "ღვთის შეწევნას სულიერ ძალთა განსამტკიცებლად და ჭეშმარიტი სხვა რეალობის შესაცნობად".
  • გაჩნდა ინტერპრეტაციები, რომ პატრიარქი ციხეს ან არსებულ პოლიტიკურ მოცემულობას გულისხმობდა.

სააკაშვილი ამბობს, რომ სიტყვები სხვა რეალობაზე ის არ არის რაც ჩვენ გვგონია.

  • "მინდა ვუპასუხო მათ ვინც "სულიერი რეალობა" რაღაცნაირად ციხეს დაუკავშირა, მათ გამორჩათ სიტყვა "სულიერი", — წერს ექსპრეზიდენტი.
  • მან მადლობა გადაუხადა ილია მეორეს, რომ "მიუხედავად დიდი გადაღლისა, ძალიან თბილად შეხვდა და დიდხანს ესაუბრა სანდრას და ნიკოლოზს".
  • სააკაშვილი ამბობს, რომ ბოლო წლის განმავლობაში სულიერად გაძლიერდა და ჰქონდა ბევრი ლოცვის დრო და შესაძლებლობა.
  • "რაც შეეხება ციხეს, უკრაინელი მებრძოლების მთავარი ლოზუნგია — თავისუფლება ან სიკვდილი, ასე რომ გაიმარჯვებს თავისუფლება", — წერს ექსპრეზიდენტი.