ინფორმაციას სერბეთის თავდაცვის მინისტრი, მილოშ ვუჩევიჩი ავრცელებს.

რატომ არის მნიშვნელოვანი: თავდაცვის უწყების ხელმძღვანელის თქმით, პრეზიდენტმა საბრძოლო მზადყოფნის უმაღლესი დონე გამოაცხადა, რაც შეიარაღებული ძალების გამოყენებას ნიშნავს.

  • თავად სერბეთის პრეზიდენტი აცხადებს, რომ ხალხისა და სერბეთის დასაცავად ყველა ზომას მიიღებს.
  • სერბეთის არმია ბოლო წლებში გაძლიერებულ მზადყოფნაში არაერთხელ იმყოფებოდა, მათ შორის, ნოემბერში, როდესაც კოსოვოდან თვითმფრინავები, სავარაუდოდ, სერბეთის საჰაერო სივრცეში შევიდნენ.

დეტალები: სერბეთის შინაგან საქმეთა მინისტრმა, ბრატისლავ გაშიჩმა განაცხადა, რომ პოლიციისა და უსაფრთხოების სხვა დანაყოფებისთვის სრული საბრძოლო მზადყოფნის ბრძანება გასცა და ისინი არმიის შტაბის უფროსს დაექვემდებარებიან.

  • 26 დეკემბერს კოსოვოს ადმინისტრაციის უშიშროების საბჭომ ურთიერთობების ბოლო რღვევაში სერბეთი დაადანაშაულა.
  • კოსოვოს ადმინისტრაციაში ამბობენ, რომ სერბეთის ხელისუფლება მათ წინააღმდეგ ყველა არსებული საშუალებით მოქმედებს.

კონტექსტი: 2008 წელს კოსოვომ დამოუკიდებლობა გამოაცხადა, რაც 110-მა ქვეყანამ აღიარა.

  • კოსოვოს დამოუკიდებლობას არ ცნობს სერბეთი, რუსეთი, ჩინეთი და ევროკავშირის 5 ქვეყანა.