მოულოდნელად, ისე, რომ ავტორიტეტულმა გამოცემებმაც კი მხოლოდ წინა საღამოს გაიგეს, უკრაინის პრეზიდენტმა აშშ-ში ვიზიტი დაგეგმა. 10-თვიანი ომის პირობებში ეს პირველი შემთხვევა იყო, როცა ვოლოდიმირ ზელენსკიმ ქვეყანა დატოვა.

უცნობია რა მარშრუტით, მაგრამ რუსების ნომერ პირველ სამიზნედ და თავისუფლების სიმბოლოდ ქცეული პრეზიდენტი თავისუფალი სამყაროს ლიდერთან შესახვედრად ჩავიდა.

ვიზიტი ყოველმხრივ ისტორიული იყო — ეს 2 სტრატეგიული პარტნიორის განცხადებებშიც იგრძნობოდა და კონგრესისადმი მიმართვაშიც.

ჩვენ უკვე გიამბეთ, რაზე ილაპარაკა პრეზიდენტმა აშშ-ში ყოფნისას, ახლა კი ამ დღეზე რამდენიმე კადრით გიამბობთ.

ზელენსკი ვაშინგტონში სამხედრო ბაზაზე ჩაფრინდა

ფოტო: უკრაინის პრეზიდენტის ადმინისტრაცია

მას ოფიციალური პირები და აშშ-ში უკრაინის ელჩი დახვდნენ

ფოტო: პრეზიდენტის ადმინისტრაცია

უკრაინის პრეზიდენტი აეროპორტიდან თეთრ სახლში წავიდა

ფოტო: Leah Millis/Reuters

სადაც ჯო და ჯილ ბაიდენებს შეხვდა

ფოტო: EPA

თეთრ სახლში ისინი მედიასთან საუბრის გარეშე შევიდნენ

ფოტო: Getty Images

პრეზიდენტები თეთრი სახლის ჰოლში

ფოტო: უკრაინის პრეზიდენტის ადმინისტრაცია

ჯო და ჯილ ბაიდენებმა ზელენსკის უმასპინძლეს

ფოტო: უკრაინის პრეზიდენტის ადმინისტრაცია

შეხვედრის ღია ნაწილი მედიის თანდასწრებით გაიმართა — ზელენსკიმ ბაიდენს უკრაინელი სამხედროსგან გაგზავნილი საჩუქარი გადასცა

ფოტო: Reuters

ზელენსკი აშშ-ის სახელმწიფო მდივანს შეხვდა

ფოტო: უკრაინის პრეზიდენტის ადმინისტრაცია

დახურული ნაწილი ოვალურ კაბინეტში გაიმართა, რომელსაც უკრაინის საგარეო საქმეთა მინისტრი და ადმინისტრაციის უფროსიც ესწრებოდა

ფოტო: უკრაინის პრეზიდენტის ადმინისტრაცია

2-საათიანი შეხვედრის შემდეგ პრეზიდენტებმა საერთო პრესკონფერენცია გამართეს

ფოტო: Kevin Lamarque/Reuters

უკრაინის პრეზიდენტს რამდენიმე კითხვა დაუსვეს, მათ შორის, რა მესიჯი აქვს ამერიკელი ხალხისა და პუტინისთვის

ფოტო: Ting Shen/Bloomberg/Getty Images

აშშ-ის პრეზიდენტმა მხარდაჭერის მნიშვნელობასა და უკრაინისთვის Patriot-ის სისტემების გადაცემაზე ისაუბრა

ფოტო: Andrew Harnik/AP

პრეზიდენტებმა რამდენჯერმე იხუმრეს

ფოტო: Reuters

პრესკონფერენცია თითქმის 40 წუთი გაგრძელდა

ფოტო: Alex Wong/Getty Images

კონგრესში სიტყვით გამოსვლამდე ზელენსკი წარმომადგენელთა პალატის სპიკერს, ნენსი პელოსის შეხვდა

ფოტო: Mandel Ngan/AFP/Getty Images

უკრაინის პრეზიდენტს კონგრესში რამდენიმეწუთიანი უწყვეტი ტაშითა და ოვაციებით დახვდნენ

ფოტო: კადრი ვიდეოდან

ზელენსკის ემოციური სიტყვა ჰქონდა, რომელიც ტაშით არაერთხელ გააწყვეტინეს

ფოტო: NBC NEWS

სიტყვის დასასრულს უკრაინის პრეზიდენტმა კონგრესს გადასცა ბახმუტიდან მებრძოლების გაგზავნილი უკრაინის დროშა

ფოტო: AP

კაპიტოლიუმში აშშ-ის სენატის უმრავლესობის ლიდერი და პალატის სპიკერი ზელენსკის ესაუბრებიან

ფოტო: Mandel Ngan/AFP/Getty Images

ამით ზელენსკის ვიზიტი, ყოველ შემთხვევაში, ის ნაწილი, რაც ოფიციალურად იყო ცნობილი, დასრულდა — აშშ-დან გამგზავრების კადრს უსაფრთხოებიდან გამომდინარე ჯერ არ გაასაჯაროებენ, მაგრამ სამშობლოში დაბრუნებული პრეზიდენტის ფოტოს გამოქვეყნებისთანავე დავამატებთ.