ხორვატიასთან მოგებული მატჩის შემდეგ ლიონელ მესიმ სამომავლო გეგმების შესახებ ისაუბრა და დაადასტურა, რომ კატარში მიმდინარე 2022 წლის ჩემპიონატის ფინალური შეხვედრა მისთვის მსოფლიო ჩემპიონატებზე ჩატარებული უკანასკნელი მატჩი იქნება.

"უსაზღვროდ ბედნიერი და ამაყი ვარ იმით, რასაც მივაღწიე. მსოფლიო ჩემპიონატებზე კარიერის უკანასკნელ შეხვედრას მალე ჩავატარებ. 2026 წლის მსოფლიო ჩემპიონატამდე დიდი დროა დარჩენილი და არ მგონია, ასპარეზობა შევძლო. ასეთი დასასრული უკეთესი იქნება", — განაცხადა ლიონელ მესიმ.

მესისთვის 2022 წლის მსოფლიოს ჩემპიონატი კარიერაში მეხუთეა. ფინალური მატჩის შემდეგ კი ლიონელ მესი მსოფლიო ჩემპიონატზე ჩატარებული მატჩების რაოდენობით რეკორდსმენი გახდება.

შეგახსენებთ, 2022 წლის მსოფლიო ჩემპიონატის ფინალი 18 დეკემბერს, 19 საათზე, გაიმართება. არგენტინა ფინალურ მატჩში საფრანგეთს დაუპირისპირდება.