ინფორმაციას პოლონური და საერთაშორისო მედიები ავრცელებენ.

რატომ არის მნიშვნელოვანი: უკრაინის პრეზიდენტმა, ვოლოდიმირ ზელენსკიმ არაერთხელ მოუწოდა სხვადასხვა ქვეყანას, რუსეთი ტერორიზმის სპონსორ სახელმწიფოდ აღიაროს.

  • ცალკეულმა ქვეყნებმა, როგორებიც არიან ლიეტუვა, ლატვია, ესტონეთი და პოლონეთი უკვე გამოაცხადეს რუსეთი ტერორიზმის სპონსორ სახელმწიფოდ.
  • ევროპარლამენტმა კი მიიღო რეზოლუცია, რომელიც რუსეთს ტერორიზმის სპონსორ სახელმწიფოს უწოდებს.

დეტალები: პოლონეთის პარლამენტის დეპუტატები რუსეთს ადამიანის უფლებების დარღვევაში, ომის დანაშაულებსა და მტრულ ეკონომიკურ საქმიანობაში ადანაშაულებენ.

  • როგორც დოკუმენტშია ნათქვამი, რუსეთის ფედერაცია სისტემურად არღვევს საერთაშორისო სამართალს, გაეროს წესდებას, ახორციელებს შეიარაღებულ თავდასხმებს, ომის დანაშაულებსა და გენოციდს; ასევე, ეწევა მტრულ ეკონომიკურ საქმიანობას ენერგეტიკის სფეროში.
  • ტექსტში ნათქვამია, რომ რუსეთი პირდაპირ პასუხისმგებელია 2010 წლის აპრილში, სმოლენსკში პოლონეთის საჰაერო ძალების თვითმფრინავის ჩამოვარდნაზე.
  • გარდა ამისა, პოლონელი პარლამენტარები რუსეთის ფედერაციას ადანაშაულებენ მალაიზიის ავიახაზების თვითმფრინავის MH17-ის ჩამოგდებაში დონბასში, 2014 წლის ივლისში.