გიორგი ვაშაძე: ქართულ ოცნებას გადაწყვეტილი აქვს მიხეილ სააკაშვილის მკვლელობა

14 Dec. 2022, 22:14

სიტუაცია არის უმძიმესი. დღეს ევროპარლამენტმა მიიღო რეზოლუცია, სადაც პირდაპირ და მკაფიოდ არის ნათქვამი, რომ, სამწუხაროდ, საქართველო არ ადგას ევროკავშირისკენ მიმავალ გზას.

ქართული ოცნება ყველაფერს აკეთებს, რომ აგვარიდოს ევროპულ ინტეგრაციას. პირველად ევროპარლამენტის რეზოლუციაში პირდაპირ ნათქვამია, მკაფიოდ პერსონალური სანქციების შესახებ ბიძინა ივანიშვილისა და მის გარემოცვასთან მიმართებაში.

პირველად ევროპარლამენტის რეზოლუციამ პირდაპირ და ცალსახად მიმართა საქართველოს პრეზიდენტს, რომ მან გამოიყენოს შეწყალების მექანიზმი როგორც მიხეილ სააკაშვილის, ასევე, ნიკა გვარამიასთან მიმართებაში.

და მე მინდა, მივმართო მას: აი, პასუხი, რომელიც ქართულმა ოცნებამ ევროპარლამენტის რეზოლუციას გასცა, არის ეს წამების ამსახველი ვიდეო და ეს ვიდეო არის დამონტაჟებული. ეს ვიდეო მოიცავს სხვადასხვა პერიოდს წლის მანძილზე და პირდაპირ ასახავს, რა მდგომარეობაშია, ერთი მხრივ სააკაშვილი და როგორ უნდათ, ერთი ლუკმის ჭამის ფაქტი აქციონ, არ ვიცი, ატრიალებენ. ტელეკომპანია იმედი სამარცხვინოა უბრალოდ. ატრიალებენ ამას.

ამიტომ მივმართავ საქართველოს პრეზიდენტს, ქ-ნ სალომე ზურაბიშვილს, თქვენ სრულიად ევროკავშირმა მოგმართათ და დაგაკისრათ პასუხისმგებლობა, რომ კონკრეტული ქმედითი ნაბიჯი გადადგათ. ქართულ ოცნებას გადაწყვეტილი აქვს მიხეილ სააკაშვილის მკვლელობა, ეს არის ფაქტი. შესაბამისად, ჩვენ გვაინტერესებს მკაფიო პოზიცია თქვენი მხრიდან.

ბოლო ამბები: