თუ გაიხსენებ, ბოლოს როდის უყიდე საჩუქარი საკუთარი თავს? ალბათ ეს ამბავი დაბადების დღეს ან ახალ წელს დაამთხვიე. შეიძლება, სულაც — ხელფასის აღების დღეს. არადა, ადამიანებს ხშირად გვავიწყდება, რომ ჩვენი სურვილებიც ისეთივე მნიშვნელოვანია, როგორც მათი, ვის გახარებასაც გამუდმებით ვცდილობთ ხოლმე.

ჰოდა, თუკი სასურველი ნივთის შესაძენად რამე განსაკუთრებულ დღეს ელოდები, თიბისის ახალი პროდუქტი აუცილებლად დაგაინტერესებს. განაწილება — ასე ჰქვია სიახლეს, რომელიც მომხმარებელს საშუალებას აძლევს, იყიდოს ახლა და გადაიხადოს მოგვიანებით.

მოდი, ახლა უცბად გაგაცნობ ამ ინოვაციურ სერვისს და რამდენიმე მიზეზსაც ჩამოგითვლი, რატომ არის ის ჩვენთვის ხელსაყრელი.

1. სასურველ პროდუქტს ნებისმიერ დროს იყიდი

განაწილება საერთაშორისო ბაზარზე ცნობილი პროდუქტის, BNPL — Buy Now, Pay Later ("იყიდე ახლა, გადაიხადე მოგვიანებით"), ანალოგია. მისი საშუალებით შესაძლებელია, ნივთი თანხის წინასწარი გადახდის გარეშე შეიძინო ნებისმიერ დროს, საფასურის დაფარვა კი მხოლოდ ამის შემდეგ დაიწყო. აი, სერვისს თუ განვადებას შევადარებთ, რამდენიმე განმასხვავებელ ფაქტორს შევნიშნავთ, რაზეც ქვემოთ მოგიყვები.

2. განაწილება 4 თვეზე შეგიძლია

თიბისის ახალი პროდუქტით სარგებლობისას, სასურველი ნივთის ღირებულება შეგიძლია 4 ტოლ ნაწილად გაყო და, შესაბამისად, მომდევნო 4 თვეზე გადაანაწილო. მნიშვნელოვანია ისიც, რომ განაწილების ლიმიტი წინასწარაა დამტკიცებული და პროცესი დროში არ იწელება.

3. სერვისის საკომისიო 0%-ია

განვადებისგან განაწილებას კიდევ ის განასხვავებს, რომ ამ შემთხვევაში ნივთს გაძვირების გარეშე ყიდულობ. ჰო, სწორად მიხვდი — გადახდა უპროცენტოა, არ არსებობს არც მომსახურების საკომისიო და არც სხვაგვარი ფასნამატი. ეს კი, დღევანდელ სავაჭრო სივრცეში ნამდვილად უპრეცედენტო ფუფუნებაა.

4. პროცესი ავტომატიზებულია

როგორც გითხარი, პროცესი დროში არ იწელება, რადგან გამოსაყენებელი თანხის ლიმიტი წინასწარ გიმტკიცდება. თუმცა, განაწილებას აჩქარებს ისიც, რომ მისით სარგებლობა ავტომატიზებულია, ლოდინის რეჟიმი კი — მაქსიმალურად შემცირებული. სხვათა შორის, სამომავლოდ, ამ მიმართულებით კიდევ უფრო სასიამოვნო სიახლეები იგეგმება — ციფრულ ბანკში დაემატება ლიმიტის მოთხოვნის ფუნქციონალი, შენ კი უკვე განხორციელებული ტრანზაქციის უკან დაბრუნებასაც შეძლებ.

5. ყოველდღე იზრდება იმ მაღაზიების რაოდენობა, სადაც განაწილებით სარგებლობა შეგიძლია

ამ ყველაფრის გაგების შემდეგ, აუცილებლად გაგიჩნდებოდა კითხვა, სად შეგიძლია სერვისით სარგებლობა. ამ დროისთვის განაწილებას 30-მდე ბრენდულ მაღაზიაში შეძლებ. თუმცა, მუდმივად იზრდება თიბისის პარტნიორი მაღაზიების რიცხვი, შესაბამისად, შენც უფრო და უფრო მეტ ობიექტზე შეძლებ სასურველი ნივთების გადაუდებლად შეძენას.

პარტნიორი კომპანიების ჩამონათვალი ამ ბმულზე შეგიძლია იხილო.

როგორ შეგიძლია ისარგებლო განაწილებით?

მაღაზიაში განაწილების სერვისის მოთხოვნის შემდეგ, თიბისის ციფრული ბანკის აპლიკაციით ტერმინალზე გამოჩენილი QR-კოდი უნდა დაასკანერო. ამის მერე, თავადვე ნახავ განაწილების პირობებს და გადახდის გრაფიკს. შენი თანხმობაც და ეგაა! მშვიდობაში!

თიბისი კი მომხმარებლის ცხოვრების გამარტივებაზე ზრუნვას განაგრძობს, ამიტომ თვალი ადევნე სიახლეებს, რათა ინოვაციური და შენთვის საინტერესო შეთავაზებები არ გამოგრჩეს.