ინფორმაციას სპეციალური საგამოძიებო სამსახური ავრცელებს.

რატომ არის მნიშვნელოვანი: მიხეილ სააკაშვილის ადვოკატმა, შალვა ხაჭაპურიძემ დღეს განაცხადა, რომ საცხოვრებელ სახლსა და მანქანაში მოსასმენი მოწყობილობა იპოვა.

  • "ეს იქნა აღმოჩენილი სავარძელში და მეორე — ავტომანქანაში... ეს არის მაღალი დონის მოსასმენი და ვიდეოთვალი, ავტომანქანის ე.წ. ბარდაჩოკში იყო ჩამონტაჟებული, სავარძლის გვერდით", — თქვა ხაჭაპურიძემ.

დეტალები: გამოძიება, კერძო კომუნიკაციის საიდუმლოების შესაძლო დარღვევის ფაქტზე დაიწყო.

  • საგამოძიებოში აცხადებენ, ჩატარდება ყველა საჭირო საგამოძიებო და საპროცესო მოქმედება ობიექტური გამოძიების უზრუნველსაყოფად.