ინფორმაციას თბილისის მერია ავრცელებს.

რატომ არის მნიშვნელოვანი: სარეაბილიტაციო სამუშაოების გამო, სრულად იცვლება გადაადგილების მარშრუტი, მათ შორის, საზოგადოებრივი ტრანსპორტისთვისაც.

  • მოძრაობის სქემა 19 ნოემბრის 00:00 საათიდან შეიცვლება.
  • მერიის განცხადებით, შეზღუდვა 23 ნოემბრამდე იმოქმედებს.

მელიქიშვილის გამზირიდან და გამზირისკენ მოძრაობისას, გადაადგილება შეიზღუდება პეტრიაშვილის, შანიძის, ჯანაშიას, თარხნიშვილისა და ტატიშვილის ქუჩებზე.

  • აღნიშნულ ქუჩებზე მძღოლები მოხვდებიან ჭოველიძის, ზანდუკელის, ბარნოვის, ბაქრაძისა და ხორავას ქუჩების საშუალებით.
  • სქემის ცვლილებიდან გამომდინარე, ავტობუსი N378 სადგურის მოედნის მიმართულებით მოძრაობისას, შანიძის ქუჩისა და მელიქიშვილის გამზირის ნაცვლად, ბარნოვის ქუჩიდან გადაინაცვლებს ფალიაშვილისა და ბაზალეთის ქუჩებზე.
  • შემდეგ დაუკავშირდება ჭავჭავაძისა და მელიქიშვილის გამზირებს და მოძრაობას დადგენილი სქემით განაგრძობს.
  • მელიქიშვილის გამზირზე, ვარაზისხევის ქუჩიდან და ჭავჭავაძის გამზირიდან მოძრავი სატრანსპორტო საშუალებებისთვის, გზის მარჯვენა მხარეს შეიცვლება.