დიდი ბრიტანეთის სამხედრო დაზვერვის ყოველდღიური ანგარიშის თანახმად, რუსი სამხედროები უკრაინის ოკუპირებულ რეგიონებში დამცავი ზღუდეებს აგებენ.

რატომ არის მნიშვნელოვანი: ბრიტანეთის დაზვერვის შეფასებით, დამცავი ზღუდეების მშენებლობა ოკუპანტების მთავარ ამოცანად იქცა.

  • ხერსონიდან უკან დახევის შემდეგ, რუსეთის ჯარები ახორციელებენ გადაიარაღებას და რეორგანიზაციას.

გარდა ამისა, რუსებმა ახალი სანგრების სისტემები გაიყვანეს ყირიმის საზღვართან, ასევე, მდინარე სევერსკი დონეცთან დონეცკისა და ლუგანსკის ოლქებს შორის.

  • ეს ლოკაციები ფრონტის ხაზიდან 60 კმ-ში მდებარეობს, რაც ბადებს ვარაუდს, რომ რუსები უკრაინელების კონტრშეტევის მოსაგერიებლად ემზადებიან.
  • ბრიტანეთის დაზვერვა ვარაუდობს, რომ რუსეთი შეეცდება, ხერსონიდან გაყვანილი ძალების ნაწილი შეტევის გასაძლიერებლად ბახმუტში გადაისროლოს.