როგორც წესი, ანგარიშის გასახსნელად იურიდიული პირები ბანკების ოფისებს მიმართავენ ხოლმე, რაც მოსაწყენ ბიუროკრატიულ საქმიანობასთან და გრძელ კითხვართან ასოცირდება. ხშირად, საბანკო ანგარიშის გახსნა იწელება ხოლმე და რამდენადაც აუცილებელი პროცესია, იმდენად მოსაბეზრებელია.

ამის საპირისპიროდ, თიბისი ბანკმა ინოვაციური პროექტი წამოიწყო, რომლის ანალოგიც რეგიონში უბრალოდ არ არსებობს.

თუკი ხართ იურიდიული პირი, დღეიდან შეგიძლიათ თქვენი საბანკო ანგარიში ონლაინ ან დისტანციურად გახსნათ, რაც თქვენს ცხოვრებას უფრო ამარტივებს. განახლებული და უმარტივესი საიტის საშუალებით, უამრავ დროს დაზოგავთ. სახლიდან გაუსვლელად, რამდენიმე ღილაკზე თითის დაჭერით, დროში გაწელილ პროცესს სულ რაღაც ხუთ წუთში მორჩებით და მშვიდად, ყოველგვარი ზედმეტი ენერგიისა და დროის დაკარგვის გარეშე გააგრძელებთ საქმიანობას.

როგორ დავარეგისტრიროთ ჩვენი ბიზნესი თიბისი ბანკში ონლაინ?

პროცედურა მარტივია და მხოლოდ რამდენიმე წუთს მოითხოვს. ვებგვერდზე tbcbank.ge ავსებთ მოთხოვნას და ონლაინ დიალოგის რეჟიმში რამდენიმე შეკითხვაზე პასუხის გაცემის შემდეგ, პროცესს 5 წუთში დაასრულებთ. ანგარიშის გახსნასთან ერთად, ინტერნეტბანკზე ავტომატურად რეგისტრირდებით და ჩაგერთვებათ SMS სერვისი. სურვილის შემთხვევაში, შეგიძლიათ შეუკვეთოთ ბიზნესბარათი.

როგორ გავხსნათ ანგარიში დისტანციურად?

ასევე, იურიდიული პირებისთვის დაინერგა ანგარიშის დისტანციურად გახსნის სერვისიც. ამ შემთხვევაში, თქვენს მოთხოვნას სატელეფონო ცენტრში დარეკვით დააფიქსირებთ. განაცხადს სატელეფონო გასაუბრებით შეავსებთ, ხოლო საჭირო საბუთებს თიბისის თანამშრომელი მოგიტანთ.

დისტანციურად ანგარიშის გახსნის სერვისის ეფექტურად მუშაობისთვის, თიბისი ბანკმა სპეციალურად გამოყო ბრენდირებული მანქანები, რომლებიც საბუთებზე ხელის მოსაწერად ზუსტად იქ მოგაკითხავენ, სადაც თქვენ ისურვებთ.

ბიზნესრუკა და განახლებული საიტი ინოვაციური სერვისებისთვის

სრულიად განახლებულ ფორმატშია წარმოდგენილი ვებგვერდი tbcbusiness.ge, რომელიც 2013 წლიდან ფუნქციონირებს და ბიზნესსექტორში დასაქმებულ ადამიანებს პრაქტიკულ ინსტრუმენტებს გთავაზობთ.

დღეიდან, მას საინტერესო სიახლეების მიმართულება ემატება, სადაც მუდმივად განთავსდება სტატიები, ბლოგ-პოსტები და ვიდეოები, მსოფლიოსა და საქართველოში მიმდინარე ბიზნეს და ეკონომიკური სიახლეების შესახებ.

კიდევ ერთი ინოვაცია, რომელიც თიბისის ბიზნესგვერდს დაემატა „ბიზნესრუკაა“.

პროექტი თიბისი ბანკმა შემოსავლების სამსახურთან ერთად განახორციელა. შემოსავლების სამსახურის მიერ მოწოდებული ინფორმაციის საფუძველზე შეიქმნა პროგრამა, რომელიც შესაძლებლობას გაძლევთ სრულფასოვანი მოკვლევა განახორციელოთ ბიზნესის სხვადასხვა სფეროზე.

ნებისმიერ დამწყებ თუ მოქმედ ბიზნესს შეუძლია გამოიკვლიოს რა ვითარებაა მისთვის საინტერესო ინდუსტრიაში კონკრეტული გეოგრაფიული ადგილების მიხედვით.

ამას გარდა, შეგიძლიათ საკუთარი კომპანიის საქმიანობა - შემოსავლები, ხარჯები, მოგება, თანამშრომელთა რაოდენობა თუ ხელფასები, შეადაროთ ბიზნესის ანალოგიურ სფეროებს, როგორც ლოკალურად, ისე მთელი საქართველოს მასშტაბით. ბიზნესრუკას მომავალში სხვა ფუნქციებიც დაემატება.