პოლონეთის რესპუბლიკის პრეზიდენტის, ანდჟეი დუდას და პირველი ლედის, აგატა კორნჰაუზერ-დუდას, სახელმწიფო ვიზიტი საქართველოში, პრეზიდენტის სასახლეში დახვედრის ოფიციალური ცერემონიით დაიწყო.

შესრულდა საქართველოსა და პოლონეთის სახელმწიფო ჰიმნები, რის შემდეგაც პრეზიდენტებმა საქართველოს სახელმწიფო დროშას მიაგეს პატივი და ერთმანეთს სახელმწიფო დელეგაციები წარუდგინეს.

ფოტო: პრეზიდენტის ადმინისტრაცია

ოფიციალური დახვედრის ცერემონია საქართველოს პირველი ლედის მაკა ჩიჩუას და პოლონეთის პირველი ლედის მონაწილეობით გაიმართა. ცერემონიის შემდეგ, საქართველოს პირველმა ლედიმ აგატა კორნჰაუზერ-დუდას სასახლეში ჩაიზე უმასპინძლა.

საქართველოს დელეგაციიდან, ოფიციალური დახვედრის ცერემონიას ესწრებოდნენ:

  • ვიცე-პრემიერი ალექსანდრე ჯეჯელავა;
  • ევროპულ დაევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე;
  • საქართველოს პრეზიდენტის ადმინისტრაციის უფროსი გიორგი აბაშიშვილი;
  • ეროვნული უშიშროების საბჭოს მდივანი დავით რაქვიაშვილი;
  • საქართველოს საგარეო საქმეთა მინისტრის მოადგილე ვახტანგ მახარობლიშვილი;
  • საქართველოს საგანგებო და სრულუფლებიანი ელჩი პოლონეთში ნიკოლოზ ნიკოლოზიშვილი;
  • პრეზიდენტის საერთაშორისო მდივანი თენგიზ ფხალაძე.