ხანიშვილი: თუ რუსეთი მსოფლიოს ხორბალს აღარ მიაწვდის, საქართველოში იაფი ნაკადი წამოვა

1 Nov. 2022, 19:54

მე, პირიქით, ვფიქრობ, რომ რუსეთი თუ ძალიან გამოიჯახუნებს კარებს და მსოფლიოს ხორბალს აღარ მიაწვდის, საქართველოში ხორბლის გაცილებით დიდი ნაკადი წამოვა და ბევრად უფრო იაფი. იმიტომ, რომ რუსეთს აქვს მიმდინარე წელს ხორბლის არნახული მარაგები და მოსავალი, რომელიც ტრადიციულად მას ჰქონდა ყოველწლიურად, ხორბალზეა საუბარი, ეს არის 75 მილიონი ტონის ფარგლებში. მიმდინარე წელს აქვს 110 მილიონი ტონა. ეს არის, დაახლოებით, 35 მილიონი ტონით მეტი ხორბალი, ვიდრე გასულ წლებში.

ამიტომ ვფიქრობ, რომ ყველაზე, ასე ვთქვათ, რთული პერიოდი ხორბლის თვალსაზრისით, ჩემი აზრით, უკვე უკან უნდა იყოს დარჩენილი. იმიტომ, რომ ჩვენ გვახსოვს პერიოდი ძალიან ბევრს, რა თქმა უნდა, ვმსჯელობდით ბატონ ლევანთან ერთად, მეგობრებთან ერთად, როდესაც მსოფლიოში, რეალურად შეინიშნებოდა ხორბლის მარაგის ნაკლებობა. ახლა ხორბლის მარაგის ნაკლებობა არ არის, როგორც ვთქვი, საკმაოდ ჭარბი მოსავალია, მიუხედავად უკრაინის ომისა და უკრაინის წარმოების შემცირებისა, ჯამურად ეს მოსავალი მეტია. ამიტომ ძირითადში ის ქმედებები, რომელიც საომარი ვითარებით არის გამოწვეული, რუსეთის არაპროგნოზირებადი ქმედებით არის გამოწვეული, რბილად რომ ვთქვათ და იქ კიდევ სხვა საფუძვლებია... ეს საფუძვლები, რა თქმა უნდა ქმნის სხვადასხვა მოლოდინს, მაგრამ ჯამურად ჩვენ გვაქვს შედეგები, როდესაც ვფიქრობთ, რომ ის ტენდენცია, რომელიც ხორბლის გაიაფების ტენდენცია იყო საქართველოში შედარებით იაფი ხორბლის შემოსვლის ტენდენცია იყო, ამ ეტაპისთვის ეს ესე აღარ უნდა გაგრძელდეს. თუმცა, როგორც ამბობენ, პროგნოზები არ არის მთლად კარგი და მოულოდნელობებისთვის შეიძლება ვიყოთ ჩვენ მზად.

ბოლო ამბები:

გიორგი ხანიშვილი ხანიშვილი: თუ რუსეთი მსოფლიოს ხორბალს აღარ მიაწვდის, საქართველოში იაფი ნაკადი წამოვა

კომენტარები

კვირის ტოპ-5

გირჩევთ

ახლა კითხულობენ

მეცნიერების რეკომენდაცია: კოსმოსური ნიმუშების ბიოიზოლაციისთვის მთვარეზე ლაბორატორია უნდა აშენდეს