ტაიპეიში Computex 2017 მიმდინარეობს, რომელზეც სხვადასხვა წამყვანი ტექ-კომპანიები და სტარტაპები თავიანთ პროდუქტებს წარმოადგენენ. გამოფენა 1981 წლიდან ტარდება და მისი ძირითადი მიზანი ბიზნესებს შორის ტექნოლოგიური ვაჭრობის ხელშეწყობაა.

სწორედ აქ წარმოადგინა ASUS-მა 5 ახალი ლეპტოპი და სხვა მოწყობილობები.

ZENBOOK FLIP S

კომპანიის განცხადებით ეს ლეპტოპი მსოფლიოში ყველაზე თხელი ლეპტოპია. მისი სისქე 10,9 მილიმეტრია და MacBook-ზე 20%-ით თხელია. წონა სულ რაღაც 1,1 კილოგრამია. ASUS-ში აცხადებენ, რომ მისი ბატარეა 11,5 საათს ძლებს. 4K ეკრანი, რომელიც 13,3 ინჩია (33 სმ.), შეგიძლიათ 360 გრადუსით გადაკეცოთ და ლეპტოპი ტაბლეტივით გამოიყენოთ. Flip S-ის ფასი $1099 იქნება.

ფოტო: The Verge

ZENBOOK PRO

18,8 მილიმეტრი სისქე, 14 საათიანი ბატარეა, Nvidia GTX 1050Ti GPU, 15,6 ინჩი (39,6 სმ.) 4K ეკრანი, H-series Core i7 CPU. ამ მონაცემების Zenbook Pro-ს ფასი ბაზარზე $1299 იქნება.

ფოტო: The Verge

ფოტო: The Verge

ZENBOOK 3 DELUXE

შარშან, როცა ASUS-მა ZenBook 3 გამოუშვა, ლეპტოპს მსოფლიოში ყველაზე პრესტიჟული უწოდა. ამავე სლოგანს იყენებენ ახალი ZenBook 3 Delux-ის დახასიათებისასაც. მისი სისქე 12,9 მილიმეტრია, i7 პროცესორზე მუშაობს და 1080p-იან დისპლეი აქვს. ZenBook 3 Delux-ის ფასი $1199 იქნება.

ფოტო: The Verge

ფოტო: The Verge

VIVOBOOK S

"მეინსტრიმული ლეპტოპების ისტორიაში ახალი ერა იწყება", ამბობენ ASUS-ში და ამის დასტურად ახალი VIvobook S-ს წარმოგვიდგენენ. 17,9 მილიმეტრის სისქის ლეპტოპი, რომელსაც i7 პროცესორი და Nvidia GTX 940MX GPU უდგას, სულ რაღაც $499 ეღირება.

ფოტო: The Verge

ფოტო: The Verge

VIVOBOOK PRO

ASUS-ის ეს საშუალო დონის ლეპტოპი, რომელსაც 15,6 ინჩიანი 4K დისპლეი აქვს, i7 პროცესროზე მუშაობს და GTX 1050 ვიდეო ბარათი აქვს, $799 ეღირება და ბაზარზე 2017 წლის ზაფხულში გამოვა.

ფოტო: The Verge

ფოტო: The Verge

Computex 2017 სამ ივნისამდე გაგრძელდება და ამ პერიოდში სხვა კომპანიების წარმოებულ უახლეს ტექნიკას გავიცნობთ.