გამოძიება სისხლის სამართლის კოდექსის 115-ე (თვითმკვლელობამდე მიყვანა) მუხლით დაიწყო.

დეტალები: დღეს თბილისში, საკუთარ სახლში გარდაცვლილი ნახეს ქართული ოცნების დეპუტატი ირაკლი ხახუბია.

  • 51 წლის ირაკლი ხახუბია მე-9 და მე-10 მოწვევის პარლამენტის წევრი იყო.

რას ამბობს ქართული ოცნება: პარტიის თავმჯდომარე ირაკლი კობახიძე ფოთის, სენაკისა და ხობის მაჟორიტარი დეპუტატის, ირაკლი ხახუბიას გარდაცვალების გამო მწუხარებას გამოთქვამს.

  • "სიტყვებით ძნელია ირაკლის გარდაცვალებით გამოწვეული ტკივილის გამოხატვა. ის იყო უკეთილშობილესი ადამიანი და თითოეული ჩვენგანისთვის უძვირფასესი მეგობარი. ღმერთმა ნათელში ამყოფოს ირაკლის სული", — წერს ის.

რას ამბობს მთავრობა: დეპუტატის გარდაცვალების გამო მწუხარება გამოთქვა პრემიერმინისტრმა ირაკლი ღარიბაშვილმაც.

  • "გულწრფელ სამძიმარს და თანადგომას ვუცხადებ ბატონი ირაკლის ოჯახის წევრებს, ახლობლებსა და კოლეგებს".