ამის შესახებ ინფორმაციას თავად უწყება ავრცელებს.

რატომ არის მნიშვნელოვანი: როგორც ისინი ამბობენ, საქმე 2020 წლის 31 ოქტომბერს თბილისის საარჩევნო უბანზე მომხდარ ძალადობის ფაქტს ეხება.

  • პროკურატურის თქმით, გამოძიებით დადგინდა, რომ საპარლამენტო არჩევნების დროს, მირიან მეფის #16ა-ში განთავსებულ 90-ე კენჭისყრის შენობის მიმდებარედ, ენმ-ის წევრებმა ზ.კ-მ და კ.ხ-მ "ერთმანეთის მიმართ ძალადობა განახორციელეს".

დეტალები: მათი ცნობით, კ.ხ-ს ბრალდება სისხლის სამართლის კოდექსის 162-ე პრიმა მუხლის პირველი ნაწილით წარედგინა, რაც არჩევნების დანიშვნის დღიდან საბოლოო შედეგების შეჯამებამდე კენჭისყრის შენობაში სხვაგვარ ძალადობას გულისხმობს.

  • დანაშაული სასჯელის ზომად ჯარიმას ან/და ორ წლამდე თავისუფლების აღკვეთას ითვალისწინებს .
  • რაც შეეხება ზ.კ-ს, პროკურატურაში ამბობენ, რომ მის მიმართ გამოტანილია დადგენილება სსსკ-ის 162-ე პრიმა მუხლით პირველი ნაწილით, რაც კანონით გათვალისწინებულ ვადაში წარედგინება.

უწყებაში ამბობენ, რომ კ.ხ-ის მიმართ აღკვეთის ღონისძიების სახით გირაოს გამოყენების შუამდგომლობით სასამართლოს მიმართეს.

  • ზ.კ-ის შემთხვევაში კი, სასამართლოს ამავე შუამდგომლობით კანონით დადგენილ ვადაში მიმართავენ.
  • პროკურატურაში აცხადებენ, რომ საქმეზე გამოძიება გრძელდება.