ამის შესახებ ინფორმაციას შსს ავრცელებს.

რატომ არის მნიშვნელოვანი: ბრალდებულმა 25 ოქტომბერს არასრულწლოვანს საცხოვრებელი ბინის კარზე დაუკაკუნა და უთხრა, რომ მისი დახმარება სჭირდებოდა.

  • უარის მიღების შემდეგ კი სხვადასხვა ხერხით, მათ შორის, მუქარით ცდილობდა, ბავშვი ეიძულებინა, მისთვის კარი გაეღო.

დეტალები: მას შემდეგ, რაც არასრულწლოვანმა ბრალდებულს უთხრა, რომ პოლიციაში დარეკავდა, ის ადგილიდან მიიმალა.

  • პოლიციამ 1996 წელს დაბადებული, წარსულში ნასამართლევი და ამჟამად პირობით მსჯავრდებული პირი, მომხდარიდან მეორე დღეს, თბილისში დააკავა.
  • გამოძიება საქართველოს სისხლის სამართლის კოდექსის 151-ე მუხლის მე-2 ნაწილით მიმდინარეობს, რაც არასრულწლოვნის მიმართ მუქარას გულისხმობს.