ტესტი: House of the Dragon-ის რომელი პერსონაჟი ხარ?

HBO-ს ერთ-ერთი ყველაზე გახმაურებული სერიალის, House of the Dragon-ის, პირველი სეზონი ოფიციალურად დასრულდა და 2024 წლამდე ფანებს ლოდინის გარდა პერსონაჟებზე ჭორაობაღა დარჩათ.

სერიალმა ერთმანეთისგან სრულიად განსხვავებული, თუმცა ხშირად თანაბრად საინტერესო და მრავალშრიანი გმირები გაგვაცნო. ყველა მათგანს თავისი ხედვა და სიმართლე, თავისი ბრძოლა და გულისტკივილი აქვს. მიუხედავად ამისა, ჩვენ მაინც ზოგი მეტად მოგვწონს, ზოგი ნაკლებად, იმის მიხედვით, ვისთან უფრო მეტ საერთოს ვპოულობთ და ვის მეტად თანავუგრძნობთ.

ახლა კი, მოდი, მეტად ნუღარ დავაყოვნებთ და გავიგოთ, House of the Dragon-ის რომელი პერსონაჟი ხარ!

დაე, პირდაპირ საქმეზე გადავიდეთ — გულში ღრმად ჩაიხედე და ისე გვითხარი, ჩამოთვლილთაგან რომელია შენს ხასიათში ყველაზე მკაფიოდ გამოხატული თვისება?

ოდესმე თუ გქონია განცდა, რომ რაც შენ გეკუთნოდა, სხვებს მიუთვისებიათ?

არასასურველი სიტუაციის წინაშე მდგარს ან მჯდომს, შეგიძლია, ობიექტურად განსაჯო ვითარება და მეორე მხარის პერსპექტივა დაინახო?

ჩამოთვლილთაგან რომელია შენთვის ყველაზე მნიშვნელოვანი ღირებულება?

როგორ ფიქრობ, მიზანი ამართლებს საშუალებას?

სხვების განსჯა გიყვარს? მიდი გვითხარი, ნუ გაიპრანჭები! აქ შეგიძლია, ბოლომდე გულახდილი იყო!

სხვის მიმართ შური გიგრძნია? ვიცი, რთული კითხვაა, ამიტომ ყოჩაღ, თუკი გულწრფელად უპასუხებ!

რამდენად შეგიძლია ადამიანების პატიება?

რამე ისეთი ჩაგიდენია ცხოვრებაში, რაც შემდეგ უსაშველოდ გინანია?

სხვების გავლენის ქვეშ ადვილად ექცევი?

რამდენად ერთგული ადამიანი ხარ?

რამდენად ფიცხი ხარ?

ოდესმე გარემოებების მსხვერპლად გიგრძვნია თავი?

გულის სიღრმეში მარტოსული ხარ?

და ბოლო, თუმცა ალბათ ყველაზე მთავარი კითხვა — როგორი ურთიერთობა გაქვს მშობლებთან?

ტესტი: House of the Dragon-ის რომელი პერსონაჟი ხარ?

შენი შედეგია: რეინირა ტარგარიენი

HBO

პრინცესა რეინირას მსგავსად ალბათ შენთვისაც უტკენიათ გული საყვარელ ადამიანებს. ხშირად მარტოსულად და დაღალატებულადაც გიგრძვნია თავი, თუმცა ალბათ არც შენ იმჩნევდი ამას და მეამბოხეობით ცდილობდი ტკივილის გადაფარვას. ყველაფრის მიუხედავად, საოცრად კეთილ, გულისხმიერ და ემპათიურ ადამიანად რჩები. შენთვის ბედნიერება, როგორც საკუთარი, ისე გარშემომყოფი ადამიანების, უმნიშვნელოვანესია. მებრძოლი, სამართლიანი და თავისუფლების მოყვარული ადამიანი ხარ. ამასთან ერთად, ბუნებით მიმტევებელი და გულჩვილიც ხარ, თუმცა ეს მხოლოდ იმ ხალხმა იცის, რომელსაც უყვარხარ და კარგად გიცნობს.

შენი შედეგია: ალისენტ ჰაითაუერი

HBO

ალისენტ ჰაითაუერის მსგავსად შესაძლოა, შენც ყოფილხარ გარემოებების მსხვერპლი და სხვების გავლენით, ისეთი რაღაცებიც ჩაგიდენია, რაც შესაძლოა, მაინცდამაინც არ მოგწონდა. გულის სიღრმეში კეთილი ადამიანი ხარ, თუმცა სხვების განსჯა და ჭკუაზე დარიგება ძალიან გიყვარს. ალბათ ეს ტრადიციული და მკაცრი აღზრდის ბრალია — ყოველთვის და ყველგან საუკეთესოდ მოქცევას მოითხოვდნენ შენგან. სხვების თავისუფლების წყურვილს ხშირად უპასუხისმგებლობად აღიქვამ და ძალიან ბევრს ღელავ იმაზე, თუ რას იტყვის ხალხი. საერთო ჯამში, მამაცი, მოსიყვარულე და მებრძოლი ადამიანი ხარ. შენი საყვარელი ადამიანებისთვის მთებსაც გადადგამ!

შენი შედეგია: ვისერის ტარგარიენი

HBO

მეფე ვისერისის მსგავსად ალბათ შენც კეთილი, მშვიდობისმოყვარე და მზრუნველი ადამიანი ხარ. ძალიან გიყვარს და გედარდება შენი ოჯახის წევრები, ისევე, როგორც ზოგადად ადამიანები და შენი ქვეყანა. მაღალი ზნეობრივი ღირებულებები გაქვს და საკუთარ ეგოზე მაღლა საყოველთაო კეთილდღეობას აყენებ. ყველანაირად ცდილობ, კონფლიქტს თავი აარიდო, თუმცა ხანდახან გამჭრიახობა გღალატობს. მარტივად ექცევი სხვა ადამიანების ზეგავლენის ქვეშ და ხშირად ისეთ ხალხს ენდობი, რომლებსაც ფარული ზრახვები ამოძრავებთ. კარგი ადამიანი ხარ, მაგრამ მეტი სიფრთხილე და დაკვირვება გმართებს!

შენი შედეგია: რეინის ტარგარიენი

HBO

პრინცესა რეინისის მსგავსად შენც საოცრად ღირსეული და ძლიერი ადამიანი ჩანხარ. გრაცია, სიამაყე, სიმშვიდე, სამართლიანობა, სიმამაცე, ერთგულება, სიკეთე — ყველანაირი ღირსებით დაუჯილდოვებიხარ სამყაროს. მიუხედავად იმისა, რომ ცხოვრება ხშირად უსამართლო იყო შენ მიმართ, მაინც არ გაბოროტებულხარ და ნებისმიერ ვითარებას ნათელი გონებითა და წრფელი გულით ხვდები. ყველამ ინატროს შენი მეგობრობა და მხარდაჭერა! ნამდვილი დედოფალი ხარ!

შენი შედეგია: კორლის ველარიონი

HBO

ლორდი კორლისის მსგავსად ალბათ შენც ძალიან მამაცი, მიზანდასახული, უშიშარი, თავგადასავლების მოყვარული, ამაყი და ამბიციური ადამიანი ხარ. გულის სიღრმეში კეთილიც ხარ და სამართლიანიც, თუმცა ბევრი ქედმაღალ ადამიანად მიგიჩნევს. შენი ოჯახი ძალიან გიყვარს და მათი ისევე, როგორც შენი საკუთარი კეთილდღეობისთვის, ათას ზღვას გადაცურავ და ათას ბრძოლას მოიგებ!

შენი შედეგია: დეიმონ ტარგარიენი

HBO

ალბათ პრინცი დეიმონის მსგავსად შენც მტრების რისხვა ხარ! უამრავ ადამიანს აშინებს შენთან დაპირისპირება და გიფრთხის! მეამბოხეობისა და ავანტიურიზმის გამო ზოგიერთებს არ მოსწონხარ, თუმცა მათი აზრი ოდნავაც არ განაღვლებს და ისე აგრძელებ ცხოვრებას, როგორც თავად გესიამოვნება! ამქვეყნად არავის დაკრულზე არ ცეკვავ და საკუთარის გარდა არავის ავტორიტეტს არ სცნობ. უშიშარი და მებრძოლი ადამიანი ხარ, რომელიც საჭიროების შემთხვევაში ნებისმიერ გზას მიმართავს მიზნის მისაღწევად. ყველაფერთან ერთად საოცარი ქარიზმაც გაქვს და სარკაზმსაც ისევე წარმატებით ფლობ, როგორც ცეცხლს და მახვილს!

შენი შედეგია: ეიმონდ ტარგარიენი

HBO

პრინცი ეიმონდივით ალბათ შენც უშიშარი და მებრძოლი ადამიანი ხარ. თუ დაგჭირდა, არც ძალადობაზე დაიხევ უკან და შიშის ზარსაც დასცემ ხალხს! შენი ოჯახი გიყვარს, თუნდაც მათი ცალკეული ქმედებები გაღიზიანებდეს, და ყველაფერს გააკეთებ მათ დასაცავად. მიგაჩნია, რომ უფრო მეტი გეკუთვნის, ვიდრე ცხოვრებამ მოგცა და ლიდერის როლსაც ყველაზე მეტად შენ მოუხდები ოჯახში, თუ ოჯახს გარეთ. ამბიციური, ხშირად შეუბრალებელი და ცბიერი ადამიანი ხარ და არც წესების მიხედვით თამაშით იწუხებ თავს ყოველთვის.

შენი შედეგია: ოტო ჰაითაუერი

HBO

ოტო ჰაითაუერის მსგავსად ალბათ შენც წარმოუდგენლად ამბიციური ადამიანი ხარ და შენი მთავარი ცხოვრებისეული ღირებულება და მისწრაფება აბსოლუტური ძალაუფლების ქონაა. ძალიან ჭკვიანი და გამჭრიახი ხარ. სხვა ადამიანებისგან განსხვავებით, გაქვს ხედვა და მომავლის განჭვრეტის უნარი. შენთვის მიზანი ყოველთვის ამართლებს საშუალებას და ყველაფერს გააკეთებ იმისთვის, რომ შენი გეგმები სისრულეში მოიყვანო!

შენი შედეგია: კრისტონ კოული

HBO

ალბათ კრისტონ კოულის მსგავსად შენც ძალიან ამაყი, ტრადიციული ღირებულებების მქონე და ფიცხი ადამიანი ხარ. მზრუნველი და გაბედულიც ხარ, თუმცა ყველაფერი გულთან ახლოს მიგაქვს და მეორე მხარის პერსპექტივის დანახვა გიჭირს, განსაკუთრებით, რთულ და დაძაბულ სიტუაციებში. ყველაფერს შენებურად აღიქვამ და წყენას არასოდეს ივიწყებ. ხშირად საკუთარ თავზე იმაზე მეტს იღებ, ვიდრე გეკუთვნის და გეკითხება. კარგი იქნებოდა, ადამიანების პატიება და ყველაფრის ცივი გონებით განსჯა გეცადა!

ბოლო ამბები:

გირჩევთ

ტესტი: House of the Dragon-ის რომელი პერსონაჟი ხარ?

ოდესმე თუ გქონია განცდა, რომ რაც შენ გეკუთნოდა, სხვებს მიუთვისებიათ?

ჩამოთვლილთაგან რომელია შენთვის ყველაზე მნიშვნელოვანი ღირებულება?

როგორ ფიქრობ, მიზანი ამართლებს საშუალებას?

სხვების განსჯა გიყვარს? მიდი გვითხარი, ნუ გაიპრანჭები! აქ შეგიძლია, ბოლომდე გულახდილი იყო!

სხვის მიმართ შური გიგრძნია? ვიცი, რთული კითხვაა, ამიტომ ყოჩაღ, თუკი გულწრფელად უპასუხებ!

რამდენად შეგიძლია ადამიანების პატიება?

რამე ისეთი ჩაგიდენია ცხოვრებაში, რაც შემდეგ უსაშველოდ გინანია?

სხვების გავლენის ქვეშ ადვილად ექცევი?

რამდენად ერთგული ადამიანი ხარ?

რამდენად ფიცხი ხარ?

ოდესმე გარემოებების მსხვერპლად გიგრძვნია თავი?

გულის სიღრმეში მარტოსული ხარ?

და ბოლო, თუმცა ალბათ ყველაზე მთავარი კითხვა — როგორი ურთიერთობა გაქვს მშობლებთან?

კომენტარები

კვირის ტოპ-5

გირჩევთ

ახლა კითხულობენ

ვეძებთ მომავალ ჟურნალისტებს — NEWS.On.ge სტაჟირების პროგრამას იწყებს