26 მაისს, საღამოს, მოსკოვის პოლიციამ 10 წლის ბიჭი დააკავა, რომელიც ქუჩაში შექსპირის პიესას ჰამლეტს ხმამაღლა კითხულობდა. პოლიციელებმა ჩათვალეს, რომ ბავშვი მოწყალებას ითხოვდა, რის გამოც ძალით ჩასვეს მანქანაში და განყოფილებაში გადაიყვანეს. მოგვიანებით ადვოკატის ჩართულობის შედეგად, ბავშვი გაათავისუფლეს. ამის შესახებ ინფორმაციას რუსული მედია მედუზა ავრცელებს.

ბიჭი ჰამლეტს პირველად არ კითხულობდა. ჟურნალისტის, ალექსანდრ მინკინის თქმით, გამვლელები მას ფულს აძლევდნენ, თუმცა ის "მოწყალების მთხოვნელი კი არა, ქუჩის ხელოვანია."

ბავშვი ქუჩაში მარტო არ იმყოფებოდა. მასთან ერთად იყო დედინაცვალი, რომელიც ცდილობდა წაერთმია მისი თავი პოლიციელებისთვის. თუმცა როგორც ვიდეოში ჩანს, პოლიციელებმა, ისე რომ საკუთარი თავიც არ წარუდგინეს, ხელს კრავდნენ მას. მას შემდეგ, რაც ბავშვი განყოფილებაში გადაიყვანეს, მაშინვე მივიდნენ მამა და დედინაცვალიც. მამამ კატეგორიულად უარყო, რომ მისი შვილი მოწყალებას ითხოვდა.

ბავშვი, დედინაცვალთან ერთად შუა ღამით, ადვოკატის ჩარევის შედეგად გაათავისუფლეს. ხოლო პოლიციელებს, რომლებიც ინციდენტში მონაწილეობდნენ სამსახურეობრივი შემოწმება ელით.