შესაბამისი გადაწყვეტილება ევროპარლამენტმა 540 ხმით 6-ის წინააღმდეგ მიიღო.

რატომ არის მნიშვნელოვანი: საქართველოსა და უკრაინის ოკუპირებული რეგიონების ის მცხოვრებლები, რომლებსაც რუსული პასპორტები აქვთ, ვეღარ შეძლებენ, გადაკვეთონ ევროპის საზღვარი ან მიიღონ ვიზები.

  • მანამდე ევროსაბჭო ამბობდა, რომ რუსული პასპორტების სისტემატური გაცემა ოკუპირებულ რეგიონებში რუსეთის მხრიდან საერთაშორისო სამართლის მორიგი დარღვევა.

დეტალები: ევროპარლამენტმა დაგმო რუსეთის გადაწყვეტილება, აღიაროს აფხაზეთისა და სამხრეთ ოსეთის სეპარატისტული რეგიონების დამოუკიდებლობა.

  • კომისია კონსულტაციას გამართავს ევროკავშირის წევრ ქვეყნებთან და შეადგენს რუსული სამოგზაურო დოკუმენტების იმ სიას, რომელიც მომავალში არ უნდა აღიარონ.
  • ევროპარლამენტის ეს გადაწყვეტილება ევროკომისიას უფლებას აძლევს, ოკუპირებული ტერიტორიების სიაში ახალი რეგიონები დაამატოს, მათ შორის, უკრაინის ის ტერიტორიები, რომელთა ანექსიაც პუტინმა ახლახან გამოაცხადა.
  • ევროპარლამენტარები კიდევ ერთხელ აღნიშნავენ, რომ რუსეთის მიერ ყირიმის, სევასტოპოლის, დონეცკის, ლუგანსკის, ხერსონისა და ზაპოროჟიეს ანექსირება უკანონოა.