დარჩიაშვილი ოპოზიციას: რაც შეეხება რუსეთის შეფასებას, ვერ შემომიყვანთ აგრესიულ რიტორიკაში

20 Oct. 2022, 19:07

რაც შეეხება რუსეთის შეფასებას, ალბათ, ერთი 15-ჯერ დაისვა ერთი და იგივე სხვადასხვა ადამიანისგან. ქალბატონო სალომე, ქალბატონო ხათუნა, მე ვერ შემომიყვანთ თქვენს აგრესიულ რიტორიკაში, გავაკეთო განცხადებები, რომელიც იქნება იმ ნაბიჯების, იმ აქტივობების [საწინააღმდეგო], რომელსაც ჩვენი ქვეყანა ახორციელებს.

ჩვენ გვაქვს კონკრეტული სამართლებრივი პროცედურები დაწყებული როგორც ჰააგაში, ისე სხვა მიმართულებით და ეს თქვენ ძალიან კარგად იცით. ჩვენ ვდგამთ კონკრეტულ ნაბიჯებს იმისკენ, რომ საქართველოს საკითხი იყოს საერთაშორისო თანამეგობრობის დღის წესრიგში. მე ვისაუბრე კონკრეტულ გადადგმულ ნაბიჯებზე, განცხადებებზე, ხელშესახებ შედეგებზე.

ჩვენი ხელისუფლება, საქართველოს პრემიერმინისტრის ხელმძღვანელობით, თითოეული ჩვენგანი, ვინც შევადგენთ საქართველოს მთავრობას, ყველაფერს გავაკეთებთ, ეს ვინმეს მოსწონს თუ არა, რომ ქვეყანაში იყოს მშვიდობა, ჩვენი ხალხისთვის უზრუნველვყოთ მშვიდობა და განვითარება.

ასევე, თანმიმდევრულად განვავითაროთ ჩვენი სამშვიდობო პოლიტიკა ოკუპირებულ ტერიტორიებთან მიმართებაში და მესამე განზომილება — ყველაფერს გავაკეთებთ იმისთვის, რომ საერთაშორისო პარტნიორების მხარდაჭერა, მობილიზაცია იყოს ჩვენთან ერთად. ეს არის გზა, რომელსაც გავივლით და ჩვენ საქართველოს მშვიდობით მივიყვანთ ჩვენი საგარეო პრიორიტეტების ნიშნულებამდე. ეს არის ჩვენი გზა და ჩვენ ამას აუცილებლად გავაკეთებთ.

ბოლო ამბები:

გირჩევთ