ამის შესახებ უკრაინის შინაგან საქმეთა სამინისტროს პრესსამსახურში განაცხადეს.

რატომ არის მნიშვნელოვანი: მასობრივი სამარხი ლიმანში 7 ოქტომბერს აღმოაჩინეს.

  • ეს პირველი შემთხვევა არ არის, როცა უკრაინულმა მხარემ დეოკუპირებულ ტერიტორიებზე მასობრივი საფლავები ნახეს.
  • უკრაინის ოფიციალური პირების ამბობენ, რომ სამარხებში უმეტესობა მშვიდობიანი მოქალაქეა, მათ შორის ბავშვები და მათ წამების კვალი აღენიშნებათ.
  • რუსეთი უარყოფს საკუთარ დანაშაულს და მასობრივ საფლავებზე ინფორმაციას სიცრუეს უწოდებს.

დეტალები: როგორც უწყებაში ამბობენ, პოლიციამ მასობრივი საფლავებში 2021, 2019, 2008, 2011 და 2012 წლებში დაბადებული ბავშვების ცხედრების ნახეს.

  • შსს-ის განცხადებით, მათგან ორნი დები არიან, ბავშვების ცხედრებს სასამართლო-სამედიცინო ექსპერტიზა ჩაუტარდებათ და დაკრძალავენ.
  • "წინასწარი ინფორმაციით, ყველა ბავშვი რუსული დაბომბვის შედეგად მიყენებული დაზიანებებით დაიღუპა", — ამბობენ სამინისტროში.
  • გარდა ამისა, უწყების ინფორმაციით, მასობრივ საფლავში კიდევ ოთხი არასრულწლოვანის ცხედრებიცაა ნაპოვნი. მათგან ერთი ბიჭი კი დედამ ეზოში დამარხა.

სამინისტროს ცნობით, 17 ოქტომბრის მდგომარეობით, დონეცკის ოლქის გათავისუფლებულ ტერიტორიებზე 43 მასობრივი საფლავია ნანახი.

  • სამართალდამცავების განცხადებით, 18 ოქტომბრის დილის მდგომარეობით, კრამატორსკის რაიონში მასობრივი საფლავებიდან 35 სამხედრო და 131 მშვიდობიანი მოქალაქე ამოასვენეს.
  • უწყებაში ამბობენ, რომ სამოქალაქო პირებს შორის 67 კაცი, 56 ქალი და 5 ბავშვია, 6 ადამიანის სქესი კი დადგენილი არ არის.
  • "მათი გარდაცვალების მიზეზების დასადგენად სამუშაოები ამ დრომდე მიმდინარეობს".