ამის შესახებ განცხადება ირანის საგარეო საქმეთა მინისტრმა, დღეს, 17 ოქტომბერს განაცხადა.

რატომ არის მნიშვნელოვანი: დღეს EU-ს საგარეო საქმეთა მინისტრებმა საპროტესტო აქციების ჩახშობაში მონაწილეობის გამო სანქცირებულთა სიაში 11 ირანელი პირი და 4 ინსტიტუტი შეიყვანეს, მათ შორის, ირანის მორალის პოლიციის უფროსიცაა.

  • მათ ევროკავშირის ქვეყნებში მოგზაურობა აეკრძალათ და ქონება გაეყინათ.

დეტალები: მინისტრის თქმით, ეს EU-ს ეს ნაბიჯი "არაკონსტრუქციული ქმედებაა არასწორი გათვლებით", რომელიც ფართო დეზინფორმაციას ეფუძნება.

  • "ბუნტი და ვანდალიზმი არსად არ არის წახალისებული, არც ირანია გამონაკლისი", — ამბობს ის.

კონტექსტი: ირანში საპროტესტო აქციები გრძელდება. ანტისამთავრობო აქციები მას შემდეგ დაიწყო, რაც მორალის პოლიციის მიერ ჰიჯაბის არასწორად ტარების გამო დაკავებული მაჰსა ამინი დაიღუპა.

  • გარდა ამისა, ირანს ევროკავშირს სანქციები რუსეთისთვის ე.წ კამიკაძე დრონების გადაცემისთვის ემუქრება, თუმცა ირანი დრონების გაგზავნას უარყოფს.