ამის შესახებ რუსული მედია CNN-ზე დაყრდნობით წერს.

რატომ არის მნიშვნელოვანი: რუსული პირველი არხის რედაქტორი, მარინა ოვსიანიკოვა 14 მარტს სახელმწიფო მედიის მთავარი საინფორმაციო გამოშვებისას ეთერში საპროტესტო ბანერით შევიდა.

  • ის დააკავეს და სასამართლო პროცესის დაწყებამდე მისი ადგილმდებარეობაც უცნობი იყო.

4 ოქტომბერს ცნობილი გახდა, რომ ის, სავარაუდოდ, შინაპატიმრობიდან გაიქცა. Meduza ოვსიანიკოვას ქმარზე დაყრდნობით წერდა, რომ ის შვილთან ერთად გაუჩინარდა.

  • როგორც ადვოკატი, დიმიტრი ზახვატოვი ამბობს, ის ახლა ევროპული ქვეყნის მფარველობის ქვეშ იმყოფება, თუმცა არ დაუკონკრეტებია, თუ რომელს გულისხმობს.
  • "მარია ოვსიანიკოვა იძულებული გახდა რუსეთი დაეტოვებინა", — თქვა მან.

არქივიდან: ოვსიანიკოვა პროტესტში მონაწილეობის გამო ივლისში დააკავეს და შინაპატიმრობა აგვისტოში შეუფარდეს.

  • მას ბრალად რუსეთის არმიაზე დეზინფორმაციის გავრცელება ედებოდა — მედიის ცნობით, მისი დაკავების ვადა 9 ოქტომბერს იწურებოდა;
  • მათივე თქმით, რუსეთის შინაგან საქმეთა სამინისტრომ ის ძებნილთა სიაში შეიყვანა.