ამის შესახებ კრივის ფედერაციის წარმომადგენლებმა და საინიციატივო ჯგუფის სხვა წევრებმა პრესკონფერენცია გამართეს.

რატომ არის მნიშვნელოვანი: ფედერაციამ ეს მას შემდეგ მოითხოვა, რაც კულტურის მინისტრმა, თეა წულუკიანმა ძალადობის მცდელობისა და შეურაცხყოფის შესახებ ისაუბრა.

  • 22 სექტემბერს მან აღნიშნა, რომ სპორტში ძალადობა სერიოზული პრობლემაა და ამაზე სამუშაოა — შემდეგ მან საზოგადოებრივი მაუწყებლის ეთერში განაცხადა, რომ კონკრეტული ფედერაციის პრეზიდენტმა გადაწყვიტა, მისთვის ხელი დაერტყა, მაგრამ არ დაუკონკრეტებია, ვინ;
  • 28 სექტემბერს იმედის ეთერში კი თქვა, რომ ეს კრივის ფედერაციის ხელმძღვანელი იყო — 30 სექტემბერს წიკლაურმა განაცხადა, რომ წულუკიანს "უზრდელი" უწოდა, თუმცა ძალადობა "თავში არ გაუვლია".

დეტალები: კრივის ფედერაციის პრეზიდენტის, დავით წიკლაურის განცხადებით, ამ თხოვნით ისინი პრემიერმინისტრს, ირაკლი ღარიბაშვილს მიმართავენ.

  • "ვფიქრობთ, რომ სპორტს ვინც კურირებს, სულ მინიმუმ, სპორტი უნდა ესმოდეს და გათვითცნობიერებული უნდა ჰქონდეს";
  • საინიციატივო ჯგუფის წევრის, ირაკლი დოლაბერიძის თქმით კი, ქართულ სპორტში დღეს პრობლემებია, მათ შორის, ერთ-ერთი სამინისტროში არსებული "არაკომპეტენტურობაა";
  • "სპორტის სხვადასხვა უწყებასთან მიწებება იყო ძალიან დიდი შეცდომა", — ამბობს ის.