ოკუპანტი ქვეყნის პრეზიდენტის თქმით, "ეჭვგარეშეა", რომ ეს ტერორისტული აქტია.

რატომ არის მნიშვნელოვანი: აფეთქება, რომელმაც ქერჩის ხიდის დაზიანება გამოიწვია დღეს, 8 ოქტომბერს გამთენიისას მოხდა.

  • რუსეთიდან ყირიმამდე თითქმის 19 კილომეტრიანი ხიდი კრემლის ოკუპაციის ერთგვარი სიმბოლოა. ის 2018 წელს ნახევარკუნძულის ანექსიის გამოცხადებიდან 4 წელში გახსნეს.
  • ქერჩის ხიდი ერთ-ერთი საკვანძო გზაა, რითაც ოკუპანტებს სამხედრო ტექნიკა და ტვირთი გადააქვთ.
  • ხიდის დაზიანების გამო, რუსეთს უკრაინის სამხრეთში მხოლოდ ერთი სარკინიგზო მომარაგების ხაზი რჩება — მელიტოპოლიდან.

დეტალები: მისი მტკიცებით, ხიდის აფეთქება კრიტიკული მნიშვნელობის სამოქალაქო ინფრასტრუქტურის განადგურებას ისახავს მიზნად.

  • "ეს იყო მოფიქრებული და განხორციელებული უკრაინის სპეცსამსახურების დაკვეთით", — ამბობს ის.
  • იქამდე, პუტინი პეტერბურგში საგამოძიებო კომიტეტის თავმჯდომარეს, ალექსანდრ ბატრიკინს შეხვდა და მომხდარის გამოძიება დაავალა.

პუტინმა გუშინ, 9 ოქტომბერს "ყირიმის ხიდის დაცვის ზომების გაძლიერებაზე" განკარგულებას მოაწერა ხელი.

  • დოკუმენტის მიხედვით, ხიდის დაცვის ღონისძიებების ორგანიზებისა და კოორდინაციის უფლებამოსილება რუსეთის უსაფრთხოების ფედერალურ სამსახურს (FSB) ენიჭება.
  • გუშინვე ანექსირებული ყირიმის "ხელმძღვანელმა" განაცხადა, რომ ყირიმის მთელ ტერიტორიაზე ტერორისტული საფრთხის მაღალი, ე.წ ყვითელი დონე ამოქმედდება, რომელიც 23 სექტემბრის 00:00 საათამდე გაგრძელდება.