ამის შესახებ ინფორმაციას რუსეთის პროპაგანდისტული მედია რია ავრცელებს.

რატომ არის მნიშვნელოვანი: აფეთქება, რომელმაც ქერჩის ხიდის დაზიანება გამოიწვია დღეს, 8 ოქტომბერს გამთენიისას მოხდა.

  • რუსეთიდან ყირიმამდე თითქმის 19 კილომეტრიანი ხიდი კრემლის ოკუპაციის ერთგვარი სიმბოლოა. ის 2018 წელს ნახევარკუნძულის ანექსიის გამოცხადებიდან 4 წელში გახსნეს.
  • ქერჩის ხიდი ერთ-ერთი საკვანძო გზაა, რითაც ოკუპანტებს სამხედრო ტექნიკა და ტვირთი გადააქვთ.
  • ხიდის დაზიანების გამო, რუსეთს უკრაინის სამხრეთში მხოლოდ ერთი სარკინიგზო მომარაგების ხაზი რჩება — მელიტოპოლიდან.

დეტალები: პუტინის მიერ ხელმოწერილი განკარგულება კონკრეტულად გულისხმობს ქერჩის სრუტის გავლით სატრანსპორტო გადასასვლელის, რუსეთ-ყირიმის ელექტრო ქსელის ხიდისა და კრასნოდარის ტერიტორია-ყირიმის გაზსადენის დაცვის ზომების გაძლიერებას.

  • დოკუმენტის მიხედვით, ხიდის დაცვის ღონისძიებების ორგანიზებისა და კოორდინაციის უფლებამოსილება რუსეთის უსაფრთხოების ფედერალურ სამსახურს (FSB) ენიჭება.

გარდა ამისა, ყირიმის ე.წ ხელმძღვანელი, სერგეი აკსენოვი Telegram-ზე წერს, რომ "მოქალაქეების უსაფრთხოების და ანტიტერორისტული დაცვის უზრუნველსაყოფად", ყირიმის მთელ ტერიტორიაზე ტერორისტული საფრთხის მაღალი, "ყვითელი" დონე იმოქმედებს.

  • ასკენოვი ამბობს, რომ ეს 23 სექტემბერის 00:00 საათამდე გაგრძელდება.
  • მისივე მტკიცებით, ყირიმში სიმშვიდეა და სიტუცია კონტროლდება.