ატომური ენერგიის საერთაშორისო სააგენტოს ხელმძღვანელი რაფაელ გროსი აცხადებს, რომ ეს დიდ საფრთხეს ქმნის.

რატომ არის მნიშვნელოვანი: ევროპაში ყველაზე დიდი ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც გაჟონვის საფრთხეს ზრდიდა.

  • ელექტროსადგურის მისამართით სროლა აგვისტოდან გრძელდება. რუსეთი და უკრაინა ცეცხლის გახსნაში ერთმანეთს ადანაშაულებენ.

დეტალები: ზაპოროჟიეს ატომური ელექტროსადგურის ელექტროგადამცემი ხაზის აღსადგენად მუშაობა უკვე დაწყებულია.

  • რეაქტორის გასაგრილებლად საჭირო დენი ახლა სადგურს მხოლოდ დიზელის ავარიული გენერატორებით მიეწოდება. თითოეულ ასეთ გენერატორში სულ მცირე 10 დღის სამყოფი საწვავია.
  • "ზაპოროჟიეს ატომური ელექტროსადგური უნდა ამუშავდეს", — წერს ატომური ენერგიის საერთაშორისო სააგენტოს ხელმძღვანელი.

ზაპოროჟიეს ატომურ ელექტროსადგურის რუსეთის მმართველობაში გადაცემის შესახებ ვლადიმერ პუტინმა განკარგულება 6 ოქტომბერს გამოსცა.

  • ზაპოროჟიეს სადგური კომპანია ენერგოდარის ნაწილია, პუტინის განკარგულებით, კი როსატომის სახელმწიფო კორპორაციის შემადგენლობაში "გადადის".
  • უკრაინის საგარეო საქმეთა სამინისტრომ დაგმოპუტინის მცდელობას, კონტროლი დაამყაროს ბირთვულ სადგურზე და მას დანაშაულს უწოდებს, რომელიც ბირთვული უსაფრთხოების სფეროში რისკებსა და საფრთხეებს კიდევ უფრო ზრდის.